2023 පෙබරවාරි 24, කොළඹ ඃ ශ්‍රී ලංකාවේ ප්‍රමුඛතම දෘෂ්ටි සේවා සහ ඇස් කණ්ණාඩි විසඳුම් සපයන්නා වූ විෂන් කෙයා ආයතනය සිය නවතම ශාඛාව, අංක 625, බුළුගහ හන්දිය, නුවර පාර, කැළණිය ලිපිනයෙහි පිහිටි මෙඩිහෙල්ප් රෝහලේදී විවෘත කරන ලදී. මෙම විවෘත කිරීමේ උත්සවයට මෙඩිහෙල්ප් රෝහල් සමූහයේ සභාපති ලෙස්ලි විජේසිරිවර්ධන, මෙඩිහෙල්ප් රෝහල් සමූහයේ ප්‍රධාන මෙහෙයුම් නිලධාරී නිශාන්ත ජයමාන්න, විෂන් කෙයා හි සභාපති දසන්ත ෆොන්සේකා, කළමනාකාර අධ්‍යක්ෂ ජානක ෆොන්සේකා සහ ප්‍රධාන මෙහෙයුම් නිලධාරී ප්‍රසන්ත ප්‍රනාන්දු ඇතුළු විෂන් කෙයා කාර්ය මණ්ඩල සාමාජිකයින් සහභාගි වන ලදී.
මෙරට ප්‍රමුඛ පෙළේ රෝහල් ජාලයක් වන මෙඩිහෙල්ප් රෝහල් සමූහය අක්ෂි ශල්‍ය වෛද්‍ය උපදේශන සේවාද ඇතුළුව පුළුල් පරාසයක සෞඛ්‍ය සේවා සපයයි. මෙඩිහෙල්ප් රෝහල් සමූහයේ අක්ෂි සෞඛ්‍ය සේවා වැඩිදියුණු කිරීම සඳහා විෂන් කෙයා ආයතනය මෙඩිහෙල්ප් රෝහල් සමූහය සමඟ සහයෝගීතාවයකට එළඹී ඇති අතර දිවයිනේ සියලුම ප්‍රධාන නගර ආවරණය කරමින් තෝරාගත් මෙඩිහෙල්ප් රෝහල් වෙත සිය සේවා ව්‍යාප්ත කිරීමට අවධානය යොමු කර ඇත.
වඩා ඉඩකඩ සහිතව පිහිටා ඇති මෙම නව ශාඛාව හරහා කැළණිය ප්‍රදේශයේත් ඒ අවටත් සිටිනා සියළුම පාරිභෝගිකයන් හට ඉහළ තත්ත්වයේ අක්ෂි රෝග පරීක්ෂණ සේවා, සහ ශ්‍රවන පරීක්ෂණ ලබා ගැනීමට හැකි වනු ඇත. වේ. විෂන් කෙයා හි මනා පුහුණුව ලත්, ඉහළ පළපුරුද්දක් ඇති වෘත්තීයවේදීන් විසින් ප්‍රවීණ ලෙස හසුරුවනු ලබන අති නවීන අක්ෂි සත්කාර උපකරණ වලින්ද මෙම ශාඛාව සමන්විතය. Ray-Ban, Vogue, Carrera, Emporio Armani, Tommy Hilfiger වැනි ජාත්‍යන්තර සන්නාම රැසක් යටතේ අවශ්‍යතාවයට ගැළපෙන ලෙස විවිධ රටාවේ, නවීන මාදිලියේ, විවිධ හැඩයේ ඇස් කණ්ණාඩි සහ අව් කණ්ණාඩි, අක්ෂි කාච මෙන්ම ශ්‍රවණාධාරක ද මෙම නව කැළණිය ශාඛාව මඟින් ලබා ගැනීමට හැකියාව තිබේ.
වසර 30ක් පුරාවට ශ්‍රී ලාංකික අක්ෂි සෞඛ්‍ය ක්ෂේත්‍රයේ උසස් තාක්ෂණය උපයෝගී කරගත් නවීන යන්ත්‍රෝපකරණ භාවිතා කරන පුරෝගාමියා ලෙසින් විෂන් කෙයා ආයතනය සෑම විටම සිය පාරිභෝගිකයන් හට ඉහළ තත්ත්වයේ අක්ෂි සහ ශ්‍රවණ සත්කාර සේවා ලබාදීමට කටයුතු කරයි. සෑම විෂන් කෙයා ශාඛාවකින්ම ඔබට ලොව ප්‍රචලිත ඇස් කණ්ණාඩි, අක්ෂි කාච සහ අව් කණ්ණාඩි සන්නාම ඉතාම පහසු මිල ගණන් යටතේ මිලදී ගැනීමේ අවස්ථාව හිමිවේ.