ඊශෘ සමාගමේ වාර්ෂික NEV අලෙවිය මිලියන 3 ඉක්මවයි
BYD සමාගම මිලියන 3ක් වන සිය වාර්ෂික NEV අලෙවි ඉලක්කයද අභිබවා අඛණ්ඩව දෙවන වසරටත් ගෝලීය නව බලශක්ති මෝටර් රථ (NEV) අලෙවියේ ප‍්‍රමුඛයා බවට පත් වෙමින් 2023 වසර අති සාර්ථකව අවසන් කළේය. මෙම වසරේදී BYD ප‍්‍රථම වරට ගෝලීය මෝටර් රථ අලෙවියේ ඉහළම සන්නාම 10 අතරට ද ලැයිස්තුගත වීම විශේෂත්වයකි. චීන වෙළඳපොලේ, BYD ඉහළම අලෙවියක් සහිත මෝටර් රථ සන්නාමය සහ නිෂ්පාදකයා ලෙස සිය ස්ථානය තහවුරු කරගැනීමට සමත්ව ඇත.
දෙසැම්බර් මාසයේදී පමණක්, BYD ඒකක 341,043ක් අලෙවි කර ඇති අතර එය විකුණුම්වල 45% ක වර්ධනයක් පෙන්නුම් කරයි. 2023 වසරේදී BYD සමාගම විසින් අලෙවි කරන ලද සමස්ත NEV නිෂ්පාදන සංඛ්‍යාව 3,024,417 ක් වූ අතර එය පසුගිය වසරට සාපේක්ෂව 61.9% ක කැපී පෙනෙන වැඩි වීමකි.
ඉහළ අපනයන වර්ධනයක් සමඟින් සිය ගෝලීය පැවැත්ම තවදුරටත් පුළුල් කර ගනී
2023 වසරේදී BYD සමාගම මෝටර් රථ 242,765 ක් අපනයනය කිරීමෙන් 334.2% ක කැපී පෙනෙන වර්ධනයක් අත්පත් කරගනිමින් ජාත්‍යන්තර වෙළඳපලතුළ සිය පැවැත්ම තහවුරු කර ගැනීමට සමත් විය. BYD හි නව බලශක්ති වාහන (NEV) මහාද්වීප 6 ක, රටවල් 70 කට වැඩි සංඛ්‍යාවක ක‍්‍රියාත්මක වේ. ඔවුන් මෑතකදී ශ‍්‍රී ලංකාව තුළ පුළුල් පරාසයක උසස්, පරිසර හිතකාමී NEV මාදිලි හඳුන්වා දීමට මෙරට විශාලතම ලැයිස්තුගත සමාගම් සමූහය වන John Keells Holdings PLC (JKH) සමඟ හවුල්කාරීත්වයක් ඇති කර ගනිමින් දකුණු ආසියානු කලාපය තුළ සිය පැවැත්ම තවදුරටත් තහවුරු කරගැනීමට සමත් විය.
BYD සමාගමේ තාක්ෂණික ප‍්‍රවීණත්වය සහ ලොව පුරා සිටින පාරිභෝගික ජනතාවට උසස්, පරිසර හිතකාමී මෝටර් රථ හඳුන්වා දීමට ඇති කැපවීම සහ ලොව ප‍්‍රමුඛ පෙළේ හවුල්කරුවන්ගේ සහායද ඇතිව ඔවුන්ගේ තාක්‍ෂණය මෙන්ම නිෂ්පාදනද ලොව පුරා ජනතාව අතර ජනප‍්‍රියත්වයට පත්ව ඇති අතර ඔවුන්ගේ නිෂ්පාදන බොහෝ පිළිගැනීම්වලට ද ලක්ව ඇත.
පුළුල් පරාසයක විසිරුණු සන්නාම පෙළ සහ ශක්තිමත් වෙළෙඳපොල ප‍්‍රතිචාරය
2023 වසරේදී BYD විසින් Dynasty series, Ocean series, DENZA, FANGCHENGBAO, සහ YANGWANG හඳුන්වා දෙමින් සිය නිෂ්පාදන පෙළ පුළුල් කරන ලදී. මෙම පියවර ගෝලීය නව බලශක්ති අංශයේ පුළුල්ම නිෂ්පාදන පෙළක් සහිත සමාගමක් ලෙස BYD හි තත්වය තවත් ශක්තිමත් කරයි.
Dynasty සහ Ocean කාණ්ඩයේ NEV නිෂ්පාදන 2,877,353 ක් අලෙවි වූ අතර එය 2022 වසරට වඩා 55.3% ක කැපී පෙනෙන වර්ධනයකි. 2023 වසරේදී DENZA කාණ්ඩයේ NEV නිෂ්පාදන 127,840ක් අලෙවි වූ අතර DENZA D9 වසරේ වැඩිම අලෙවියක් ලැබූ මෝටර් රථය බවට පත් විය. මීට අමතරව ඉදිරියේදී එළිදැක්වීමට නියමිත DENZA N7 සඳහා වන නවතම OTA මගින් උසස් තාක්ෂණයෙන් යුතු මෝටර් රථ නිෂ්පාදනය කිරීම සඳහා BYD සමාගමේ පුරෝගාමීත්වය අවධාරණය කරයි.
2023 වසරේදී හඳුන්වා දුන් YANGWANG සහ FANGCHENGBAO යන සුපිරි මෝටර් රථ ඉකුත් නොවැම්බර් මාසයේදී වෙළෙඳපොළට නිකුත් කරන ලද අතර ඒවාට ඉහළ පාරිභෝගික ප‍්‍රතිචාරයක් හිමි විය. YANGWANG U8 NEV නිෂ්පාදන මාදිලිය ඉහළම අලෙවියක් සහිත මෝටර් රථය බවට පත් වූ අතර BAO 5 සුපිරි SUV මෝටර් රථය off-road වෙළෙඳපොල කාණ්ඩයේ ඉහළ ජනප‍්‍රියත්වයක් ලබා ගැනීමට සමත්ව ඇත.
BYD සමාගම චීනයේ ප‍්‍රමුඛතම නව බලශක්ති මෝටර් රථ (NEV) වෙළඳපොලේ සිට ලෝකයේ ඉහළ පෙළේ NEV විකුණුම්කරු බවට පත් වූ අතර, මේ වන විට ගෝලීය මෝටර් රථ කර්මාන්තයේ හොඳම මෝටර් රථ සමාගම් දහය අතරටද ශ්‍රේණිගත වීම විශේෂයෙන් කැපී පෙනේ. මෙමගින් නව බලශක්ති අංශයේ සමාගම සතු ශක්තයි මැනවින් පෙන්නුම් කරයි. වඩාත් යහපත් ලෝකයක් සඳහා තාක්ෂණික නවෝත්පාදන උපරිම ලෙස භාවිත කිරීමට කැපවී සිටින සමාගම හරිත අනාගතයක් කරා පියමං කරමින් සිටී.
BYD පිළිබඳව
බැටරි නිෂ්පාදකයෙකු ලෙස 1995 දී ආරම්භ කරන ලද බහුජාතික අධි-තාක්ෂණික සමාගමක් වන BYD, මෝටර් රථ, දුම්රිය ප‍්‍රවාහනය, නව බලශක්තිය සහ ඉලෙක්ට්‍රොනික උපකරණ ආවරණය කරන පුළුල් විවිධාංගීකරණය වූ ව්‍යාපාරයක් බවට පරිවර්තනය වී ඇත. චීනය, එක්සත් ජනපදය, කැනඩාව, ජපානය, බ‍්‍රසීලය, හංගේරියාව සහ ඉන්දියාව ඇතුළුව ලොව පුරා කාර්මික උද්‍යාන 30 කට අධික සංඛ්‍යාවක ක‍්‍රියාත්මක වන BYD තාක්ෂණික නවෝත්පාදනයන් පුද්ගලයින්ගේ ජීවිත වැඩිදියුණු කිරීම උදෙසා භාවිතා කිරීමට කැපවී සිටී. ශුන්‍ය කාබන් විමෝචන බලශක්ති විසඳුම් සඳහා විශේෂිත වූ BYD හි නව බලශක්ති වාහන මහාද්වීප 6 ක, රටවල් 70 කට වැඩි සංඛ්‍යාවක සහ නගර 400 කට වඩා වැඩි සංඛ්‍යාවක ක‍්‍රියාක්මක වේ. ෆෝචූන් ග්ලෝබල් 500 සමාගමක් ලෙස හොංකොං සහ ෂෙන්සෙන් කොටස් වෙළඳපොලවල ලැයිස්තුගත කර ඇති BYD හරිත ලෝකයක් කරා යන ගමනේදී කැපවීමෙන් කටයුතු කරයි. වැඩි විස්තර සඳහා www.bydglobal.com වෙත පිවිසෙන්න.
BYD Auto පිළිබඳව
2003 දී ආරම්භ කරන ලද, BYD Auto යනු බහුජාතික අධි-තාක්ෂණික සමාගමක් වන BYD හි මෝටර් රථ අංශය වන අතර තාක්ෂණික නවෝත්පාදනයන් පුද්ගලයින්ගේ ජීවිත වැඩිදියුණු කිරීම උදෙසා භාවිතා කිරීමට කැපවී සිටී. BYD Auto සම්පුර්ණයෙන්ම විද්‍යුත් සහ plug-in hybrid වාහන නිර්මාණය කිරීම කෙරෙහි අවධානය යොමු කරමින් පරිසර හිතකාමී ප‍්‍රවාහනය වෙත පරිවර්තනය වීමට ක‍්‍රියා කරයි. බැටරි සහ විදුලි මෝටර වැනි නව බලශක්ති වාහන සඳහා ප‍්‍රධාන තාක්ෂණයන් ප‍්‍රගුණ කරමින් BYD Auto, Blade Battery සහ DM-i Super Hybrid Technology වැනි දියුණු තාක්ෂණ ක‍්‍රම හඳුන්වා දී ඇත. විද්‍යුත් වාහන වෙත මාරුවීමේ පුරෝගාමියා ලෙස BYD Auto, ෆොසිල ඉන්ධන වාහන නිෂ්පාදනය ප‍්‍රථමයෙන් නතර කළ සමාගම වූ අතර අඛණ්ඩව වසර 10 ක් චීනයේ නව බලශක්ති මගී වාහන අලෙවියෙහි ප‍්‍රමුඛ ස්ථානය හිමි කර ගෙන ඇත.
වැඩි විස්තර සඳහා www.bydglobal.com වෙත පිවිසෙන්න.