ශ්‍රී ලංකාවේ විශාලතම මෝටර් සමාගම සහ බජාජ් නිෂ්පාදන මෙරට එකම බෙදාහරින්නා වන ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් පසුගියදා බජාජ් ජෙනුයින් සුපිරි වාරේ ලෙස තම නවතම ප්‍රවර්ධන වැඩසටහන ආරම්භ කළේය. 2025 නොවැම්බර් 17 වන දින සිට 2026 ජනවාරි 17 වනදා දක්වා පැවැත්වෙන මෙම වැඩසටහනේදී බජාජ් ජෙනුයින් ස්පෙයාර් පාර්ට්ස් මිලදී ගන්නා පාරිභෝගිකයින්ට බ්‍රෑන්ඩ් නිව් බජාජ් ත්‍රිරෝද රථයක්, බ්‍රෑන්ඩ් නිව් බජාජ් පල්සර් N160 ප්‍රීමියම් මෝටර් සයිකලයක් ඇතුළු වටිනා තෑගි රැසක් දිනා ගැනීමේ අවස්ථාව උදා කර ඇත.
ඔබ බජාජ් ජෙනුයින් අමතර කොටස් මිලදී ගැනීමේදී එම ඇසුරුමේ ඇති අලි පැංචා ලකුණ සහිත හොලෝග්‍රෑම් ස්ටිකරය සූරා මතුවන QR කේතය ස්කෑන් කර ජෙනුයින් පාර්ට්ස් බවට තහවුරු කිරිමෙන් පසු ලැබෙන ප්‍රශ්නාවලියට ඔබේ තොරතුරු ඇතුළත් කිරීමෙන් හෝ හොලෝග්‍රෑම් ස්ටිකරය සූරා මතුවන අංකය 0777 66 55 77 අංකයට කෙටි පණිවුඩයක් ලෙස යැවීමෙන් තරගයට ඇතුළත් විය හැකිය.
බජාජ් ජෙනුයින් සුපිරි වාරේ ප්‍රවර්ධන වැඩසටහන ක්‍රියාත්මක වන සති 09ක කාලය පුරා සතිපතාද දිනුම් ඇදීමක් පැවැත්වෙන අතර එහිදී සෑම සතියකම ජයග්‍රාහකයින් 25 දෙනෙකු තෝරා ගනු ලැබේ. එහිදී සෑම ජයග්‍රාහකයෙකුටම රුපියල් 10,000ක් වටිනා ජෙනුයින් පාර්ට්ස් වවුචර්පතක් පිරිනැමේ. එම වවුචරපත භාවිත කර බජාජ් ජෙනුයින් පාර්ට්ස්, බජාජ් ජෙනුයින් ඔයිල්, ඇට්ලස් ටයර් හෝ MRF ටයර් මිලදී ගැනීමේ හැකියාව ඇත.
සතිපතා ජයග්‍රාහකයින්ද ඇතුළුව තරගයට ඇතුළත් වු සියලු වලංගු අයදුම්කරුවන් අවසන් මහා තරගය වෙත යොමු කෙරෙන අතර අවසන් මහා තරගයේ ජයග්‍රාහකයාට බ්‍රෑන්ඩ් නිව් බජාජ් ත්‍රිරෝද රථයක් පළමු ත්‍යාගය ලෙසද, දෙවන ජයග්‍රාහකයාට බ්‍රෑන්ඩ් නිව් බජාජ් පල්සර් N160 ප්‍රීමියම් මෝටර් සයිකලයක් ත්‍යාගය ලෙසද පිරිනැමේ. ඉන්පසු රුපියල් 50,000 මුදල් ත්‍යාග තවත් ජයග්‍රාහකයින් 05 දෙනෙකු වෙත පිරිනැමෙන අතර තවත් ජයග්‍රාහකයින් 10 දෙනෙකුට රුපියල් 25,000ක් වටිනා ටයර් වචුචර් පත් පිරිනැමේ. අවසන් වශයෙන් තවත් ජයග්‍රාහකයින් 15 දෙනෙකුට පර්ල් බේ ෆැමිලි පැකේජ 15ක් පිරිනැමේ.
ඉතිහාසයේ දැවැන්තම තෑගි එකතුව සමගින් ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් විසින් ‘බජාජ් ජෙනුයින් සුපිරි වාරේ’ තෑගි තරගය ක්‍රියාත්මක කිරීම තුළින් නිරතුරුව පාරිභෝගිකයා සමග සිටින බව තවදුරටත් සනාථ කිරීමට හැකියාව ලැබී ඇත. බජාජ් ජෙනුයින් පාර්ට්ස්ම මිලදී ගන්නා පාරිභෝගිකයින් මෙම සුවිශේෂි තරගයේ ජයග්‍රහකයෙකු වීමේ අවස්ථාව ඇත. බජාජ් ජෙනුයින් පාර්ට්ස් DPMC අමතර කොටස් අලෙවි මධ්‍යස්ථාන හෝ DPMC අමතර කොටස් ඩීලර්වරුන් වෙතින් මිලදී ගත හැකිය.
මේ පිළිබදව වැඩි විස්තර 0114700600 දුරකතන අංකයෙන් ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් ඇමතීමෙන් හෝ www.dpmco.com වෙබ් අඩවියට මෙන්ම DPMC ෆේස්බුක් පිටුවට පිවිසීමෙන් ලබාගත හැකිය.