2024 මූල්‍ය වර්ෂය අවසානයේදී DFCC බැංකුව පෙරළිකාර මූල්‍ය කාර්යසාධනයක් අත්පත් කරගනී.

FCC බැංකුව 2024 වසරේදී අර්ථික අභියෝග ජයගනිමින් ශක්තිමත් මූල්‍ය කාර්යසාධනයක් වාර්තා කළ අතර බැංකුවේ සමස්ත ශුද්ධ මෙහෙයුම් ආදායම 30% කින් ඉහළ ගොස් රුපියල් බිලියන 35 ක් වූ අතර, බදු ගෙවීමෙන් පසු ලාභය (PAT) රුපියල් බිලියන 9.9ක් විය. එය වසරින් වසර සමස්ත වර්ධනයේ (year-on-year (YoY)) 16%ක ඉහළ යෑමක් පිළිබිඹු කරයි.එසේම බැංකුවේ මුළු වත්කම් රුපියල් බිලියන 709ක් දක්වා 10% කින් වර්ධනය කරගනිමින් , තම මූල්‍ය ස්ථාවරත්වය  මනාලෙස උපාය මාර්ගිකව පුළුල් කරගෙන තිබේ.

තවද ක්‍රමානුකූලව වර්ධනය වන මූල්‍ය ද්‍රවශීලතා පරිසරයක් මධ්‍යයේ, ණය සහ තැන්පතු පොලී අනුපාත අඩුවීම හමුවේ සහ මහ බැංකුවේ මුදල් ප්‍රතිපත්ති ලිහිල් කිරීම හමුවේ DFCC බැංකුව, ව්‍යාපාර සහ පුද්ගලයන් වෙත ප්‍රතිලාභ ලැබෙන බව තවදුරටත් සහතික කිරීමක් ලෙස මෙය සඳහන් කළ හැකිය. ධණාත්මක සාර්ව ආර්ථික ප්‍රවණතා සහ ශක්තිමත් ප්‍රතිසාධන උත්සාහයන් හේතුවෙන් බැංකුවේ ණය සහ අත්තිකාරම් සඳහා ශුද්ධ හානිපූරණ ගාස්තුව(Impairment Charge) 68% කින් අඩු වී රුපියල් බිලියන 3.96ක් ලෙස වාර්තා විය. ඊට අමතරව, DFCC බැංකුව එහි ආයෝජන ප්‍රශස්ත කරමින්, ඉහළ ප්‍රතිලාභ සහිත රජයේ සුරැකුම්පත් සඳහා නිරාවරණය වැඩි කරමින්, ලාභදායීතාවය තවදුරටත් වැඩිකර ගනු ලැබීය.

බැංකුවේ කොටස් මත ප්‍රතිලාභ (ROE) 10.99% ක් වූ අතර, වත්කම් මත ප්‍රතිලාභ (ROA) 2.01% දක්වා වර්ධනය විය. එම තත්වය බැංකුවේ කාර්යක්ෂම වත්කම් භාවිතය පිළිබිඹු කරයි. තවද බැංකුවේ මුළු සේවා ගාස්තු සහ කොමිස් ආදායමේ 8% ක වැඩිවීමක් ද වාර්තා කර ඇති අතර, එය ප්‍රධාන වශයෙන් මුදල් ප්‍රේෂණ, බැංකු සේවා ආශ්‍රිත කොමිස් මුදල් සහ ණයවර පත්(Credit Card) මෙහෙයුම් යනාදී ආදායම් මගින් සමන්විත විය. උද්ධමනකාරී තත්වයන් මධ්‍යයේ වුවද, තම මෙහෙයුම් කාර්යක්ෂමතාව මනාලෙස පවත්වාගනිමින්, පිරිවැය පාලන පියවරයන් හරහා බැංකුව මෙහෙයුම් වියදම් ඵලදායී ලෙස කළමනාකරණය පිළිබඳවද විශේෂයෙන් සඳහන් කළයුතුය.

විශිෂ්ටත්වය සහ ස්ථාවරත්වය වෙනුවෙන් අගැයීම්

DFCC බැංකුවේ මෙම සංධිෂ්ඨාන අන්තර්ජාතිකව පිළිගැනීමට ලක් වූ අතර, 2024 ගෝලීය බැංකුකරණ සහ මූල්‍ය සම්මාන උළෙලේදී කීර්තිමත් සම්මාන තුනක් දිනාගත්තේය. එම සම්මාන වූයේ වසරේ බැංකු සන්නාමය, තිරසාර සංවර්ධනය සඳහා හොඳම බැංකුව සහ ශ්‍රී ලංකාවේ වේගයෙන්ම වර්ධනය වන වාණිජ බැංකුව යනාදිය ලෙස සඳහන් කළ හැකිය. ෆිච් රේටින්ස් ශ්‍රේණිගත කිරීම් මගින් ජාතික දිගුකාලීන ශ්‍රේණිගත කිරීම A(lka) දක්වා ඉහළ නැංවීමක් ද බැංකුව විසින් පසුගියදා ලබාගත් අතර, එමඟින් බැංකුවේ මූල්‍ය ශක්තිය සහ වෙළඳපොළ විශ්වාසය තව තවත් ශක්තිමත් විය.

මීට අමතරව, තිරසාර සංවර්ධන කටයුතු සඳහා මූල්‍යකරණය සඳහා ඇති සිය කැපවීම තවදුරටත් තහවුරු කරමින්, ශ්‍රී ලංකාවේ ප්‍රථම හරිත (Green Bond) බැඳුම්කරය නිකුත් කිරීමෙන් DFCC බැංකුව ඉතිහාසයට එක්විය. DFCC බැංකුව කොළඹ කොටස් වෙළෙඳපොළ (CSE) සහ ලක්සම්බර්ග් කොටස් වෙළෙඳපොළ (LuxSE) යන කොටස් වෙළෙඳපොළවල ද්විත්ව ලැයිස්තුගත කිරීමද සිදුකෙරිණි.

මූල්‍ය ස්ථාවරත්වය.

DFCC බැංකුවේ වත්කම් ව්‍යුහය 13% කින් පුළුල් වී රුපියල් බිලියන 394 ක් විය. එසේම මුළු තැන්පතු 14% කින් වර්ධනය වී රුපියල් බිලියන 465ක් විය. එය ශක්තිමත් ද්‍රවශීලතා තත්වයක් ලෙස සහතික කළ හැකිය. බැංකුවේ ප්‍රාග්ධන පරිසාධන මට්ටම Capital Adequacy Ratio (CAR) ශක්තිමත්ව පැවැති අතර, නියාමන අවශ්‍යතා ඉක්මවා යමින් 16.958% ක මුළු ප්‍රාග්ධන පරිසාධන අනුපාතයක්(CAR) පවත්වාගෙන ගිය බව සඳහන් කළ හැකිය.

කොටස් හිමියෝ සහ අනාගත වර්ධනය සඳහා පවතින කැපවීම

DFCC බැංකුවේ ශක්තිමත් මූල්‍ය කාර්යසාධනය අගයමින්, එහි අධ්‍යක්ෂ මණ්ඩලය කොටසකට රුපියල් 6.00 ක ලාභාංශයක් අනුමත කළ අතර, ලාභාංශ ගෙවීමේ අනුපාතය 31% ක් ලෙස පවත්වාගෙන ගියේය.

එසේම DFCC බැංකුවේ ප්‍රධාන විධායක නිලධාරී තිමල් පෙරේරා මහතා තම අදහස් දක්වමින්,

“ආර්ථික බාධක මධ්‍යයේ වුවද, DFCC බැංකුව කැපීපෙනෙන ප්‍රතිඵල සහ ප්‍රගතියන් ලබාගෙන ඇති අතර, මෙමඟින්බැංකුවේ ස්ථාවරත්වය සහ භාවිතා කරන ලද උපාය මාර්ගික ක්‍රමවේද මනාලෙස ප්‍රදර්ශනය කර ඇත. ඩිජිටල් ආශ්‍රිත සේවා නවෝත්පාදනය, අවදානම් කළමනාකරණය සහ පාරිභෝගික කේන්ද්‍රීය බැංකුකරණය කෙරෙහි අපගේ අඛණ්ඩ අවධානය මෙම දිගුකාලීනව මූල්‍ය ස්ථාවරත්වයට ප්‍රධාන හේතුවයි” සඳහන් කරන ලදි.

නවෝත්පාදනය, තිරසරභාවය සහ මූල්‍ය ස්ථාවරත්වය සහිතව, ශ්‍රී ලංකාවේ සීඝ්‍රයෙන් වර්ධනය වන බැංකු ක්ෂේත්‍රයේ අභියෝග ජයගැනීමට සහ නැගී එන අවස්ථාවන්ගෙන් ප්‍රයෝජන ගැනීමට DFCC බැංකුව හොඳින් තම පාරිසරික වටපිටාවන් නිර්මාණය කරගෙන සිටින අතර ඒ සඳහා වසරින් වසර තම කාර්යසාධන, මූල්‍ය ස්ථායිකරණය ක්‍රමානුකූලව වර්ධනය කරගනිමින් සිටි