ශක්තිමත් පදනමක්, කීර්තිමත් නාමයක් සහ විශාල හදවතක් සහිත AIA ඉන්ෂුවරන්ස් ලංකා සමාගම, LMD සඟරාව මගින් 2023 වසරේ වඩාත් ගෞරවාන්විත ආයතන තේරීම සඳහා පවත්වන ලද සමීක්ෂණයකින් මෙරට රක්ෂණ ක්ෂේත්‍රය තුල වඩාත්ම ගෞරවාන්විත රක්ෂණ සමාගම ලෙස ඇගයීමට පාත්‍ර වූ අතර ශ්‍රී ලංකාවේ වඩාත්ම ගෞරවාන්විත සමාගම් 25 අතරට තේරී පත්වීමටද වරම් ලැබීය. මෙම ඇගයීමෙන් පිදුම් ලැබීම, දශක 3නකට අධික කාලයක් පුරාවට AIA ඉන්ෂුවරන්ස්, සිය සේවාලාභීන් වෙත දක්වන විශ්වාසය, කැපවීම, අවංක බව, වගකිවයුතු බව, විනිවිදභාවය මෙන්ම නිසි සාර්ථකත්වය වෙනුවෙන් නිවැරදි දේ, යහපත් ආකාරයෙන්, හොඳ පිරිසකගේ ආශ්‍රයෙන්, වඩාත් කැපවීමෙන් යුතුව ඉටු කරමින් ආ ගමන් මගෙහි ප්‍රතිපලයකි.
AIA ඉන්ෂුවරන්ස්, 2023 වසර සඳහා වඩාත් ගෞරවාන්විත රක්ෂකයා වශයෙන් තේරී පත්වීම මගින් පිළිබිඹු වන්නේ අපගේ වටිනා සේවාලාභීන් මෙන්ම අප හා සම්බන්ද සියලුම සහකරුවන් AIA මත තබා ඇති නොසැලෙන විශ්වාසයයි. එමෙන්ම මෙම ඇගයීම ඔස්සේ අප අපගේ සියලු ක්‍රියාකාරකම්හි දී මානව සම්පතට සහ අපගේ සේවාලාභීන්හට දී ඇති ප්‍රමුඛතාවය ද තවදුරටත් තහවුරු වෙනවා. අපගේ ගමන් මග තුල අපට මාර්ගෝපදේශ සපයන්නා වූ විශ්වාසය වන්නේ රක්ෂණය යනු හුදෙක් ඔප්පුවකට සීමා නොවූ ඉන් ඔබ්බට සහ ඉදිරියට ගොස් සේවාලාභීන්ගේ අනාගත සිහින සාක්ෂාත් කර ගැනීමට, සිතේ සැනසුම මෙන්ම ඔවුනට සුවපත්, සැපවත්, දිගුකල් ජීවිත ලඟා කර ගැනීමට සහාය වන්නා වූ දෙයක් ලෙසටයි. AIA ඉන්ෂුවරන්ස් ලංකා සමාගම, ඔවුන් හා කටයුතු කරන්නා වූ සියලු දෙනා වෙනුවෙන් නව්‍යකරණයෙන් සහ විශිෂ්ටත්වයෙන් හෙබි වැඩි වටිනාකම් ලඟා කරදීමට තවදුරටත් කැපව කටයුතු කරනු ඇති.
AIA ඉන්ෂුවරන්ස් හි ප්‍රධාන අලෙවි නිලධාරී සසිත් බඹරදෙණිය මහතා කථා කරමින් කියා සිටියේ, ” 2023 වසරේ වඩාත් ගෞරවාන්විත රක්ෂකයා ලෙස පිදුම් ලැබීම හුදෙක් ඇගයීමක් පමණක් නොවෙයි එත් එය අප අපගේ වටිනා සේවාලාභීන් හා සමඟින් ඇතිකරගෙන තිබෙන අරුත්බර සබැඳියාවේ ප්‍රතිපලයයි. රක්ෂණය යනු නිකම්ම නිකම් ගනුදෙනුවක් නොවෙයි එය ඔබ වඩාත් ආදරය කරන ඔබගේ සමීපතයන්ගේ මෙන්ම සෑම ශ්‍රී ලාංකිකයෙකුගේම රැකවරණය සඳහා වන කැපකිරීමක්. අපගේ අලෙවි ක්‍රියාකාරකම් ජනතාවට ලබාදෙන අත්දැකීම් මත රඳා පවතිනවා. ඒ කියන්නේ රැකවරණය පිළිබඳව ඔවුන් දැනුවත් කිරීම සහ වඩාත් සෞඛ්‍යසම්පන්න වගේම සතුටුදායක ජීවිත ලඟාකර ගැනීමට ඔවුන්ව සවිබල ගැන්වීම වගේ දේවල්. මේ ඇගයීම ඔස්සේ AIA හි අප රක්ෂණය පිලිබඳ ජනතාවගේ අවබෝධය සහ ඒ සඳහා වන ප්‍රවේශය ඇතිකරලීම වෙනුවෙන් ඇති කැපවීම මෙන්ම සැමට ප්‍රතිලාභ අත්කර දීම තහවුරු කෙරෙන අතර තවදුරටත් අපගේ සේවාලාභීන් වෙත අඛණ්ඩව විශිෂ්ට සේවාවක් ලබා දීමට ප්‍රතිඥා දීම සඳහා ද මා මෙය අවස්ථාවක් කර ගන්නවා.”
වසර 35කට අධික කාලයක් ශ්‍රී ලාංකිකයින්ගේ ජීවිත සුරක්ෂිත කරමින්, ආසියාව පුරා වසර 100කට අධික කාලයක් පුරාවට ලද අත්දැකීම් සමුදාය ද සමඟින්, මෙරට ක්ෂේත්‍රය තුල ලබාගත් පළපුරුද්දෙන් ද අනූන, රක්ෂණයෙන් ඔබ්බට සහ ඉදිරියට ගිය AIA, සැබෑ ලෙසින්ම දේශීය වශයෙන් මුල්බැසගත් ගෝලීය තලයේ සමාගමක්. මෙරට හොඳම ජීවිත රක්ෂණ සමාගම වන AIA ඉන්ෂුවරන්ස් ලංකා සමාගමට (ග්ලෝබල් බෑන්කින් ඇන්ඩ් ෆිනෑන්ස් රිවිව් 2019,2020 සහ කැපිටල් ෆිනෑන්ස් ඉන්ටනැෂනල් 2021,2022 වෙතින් පිරිනමන ලදී) 2022 වසර අවසානය වන විට, ක්ෂේත්‍රය තුල ඉහළම ප්‍රමාණවත් ප්‍රාග්ධන අනුපාතයක් වන 402%ක අගයක් ලඟාකර ගැනීමටත් හැකියාව ලැබිණි. මේ සියල්ලෙන් පිළිබිඹු වන්නේ අර්බුදකාරී වාතාවරණයක දී මෙහෙයුම් පරිසරය තුල උද්ගත වන අනපේක්ෂිත අවදානම් අවස්ථාවන්ට සාර්ථකව මුහුණ දී ඒවා පරාජය කිරීමටත්, සිය සේවාලාභීන්හට පොරොන්දු වූ පරිදි නිරතුරුව විශිෂ්ට සේවාවක් ලබා දීමටත් සමාගමට ඇති හැකියාවයි. 2022 වසර අවසානය වන විට සිය මූල්‍ය ස්ථාවරත්වය යහපත් අයුරින් පවත්වාගෙන යාමටත්, රුපියල් බිලියන 18.4ක කොටස් හිමි කොටස් වටිනාකමක් අත්පත් කරගැනීමටත් සමාගමට හැකි විය. එමෙන්ම අපගේ අනාගත පරපුර වෙත පිරිසිඳු මෙන්ම සුවදායක පරිසරයක් ලබාදීම තහවුරු කරලීම සඳහා සිය අඛණ්ඩ කැපවීම විදහාපාමින්, AIA ඉන්ෂුවරන්ස් ලංකා සමාගම, ISO 14064-1:2018 හරිතාගාර වායු විමෝචන සහතිකය ද අත්කර ගන්නා ලදී.