தெற்காசியாவின் மிகப்பெரிய ஆடை தொழில்நுட்பக் குழுவான MAS Holdings இன் துணை நிறுவனமான மற்றும் முன்னணி ஆடை உற்பத்தியாளரான Bodyline (Pvt) Ltd, தனது 30வது ஆண்டு நிறைவைக் கொண்டாடுகிறது. இந்த 30 ஆண்டுகால சமூகப் பொறுப்பின் மூலம், அவர்கள் தங்கள் சமூகங்களின் வாழ்க்கைத் தரத்தை உயர்த்துவதில் சாதகமான தாக்கத்தை ஏற்படுத்தியுள்ளது.
30 ஆண்டுகளாக, Bodyline பல்வேறு சமூகப் பொறுப்புணர்வு முயற்சிகளில் ஈடுபட்டு வருகிறது, அதன் மூலம் அதன் ஊழியர் சமூகங்கள் மற்றும் பங்குதாரர்களுக்கு தமது அர்ப்பணிப்பை உறுதி செய்துள்ளது. மேலும், Bodyline தனது பங்களிப்பை மனிதன் மற்றும் உலகம் என்ற எண்ணக் கருவின் அஸ்திவாரத்தின் மீது கட்டமைக்கப்பட்ட புதிய முயற்சிகளுடன் அதிகரிக்க விரும்புகிறது, மேலும் தேவைப்படும் சமூகங்களுக்கு உதவ உள்ளக குழுக்களுக்கு வாய்ப்பளிப்பதன் மூலம் பணியாளர் ஈடுபாட்டை வலுப்படுத்துகிறது.
இந்த விசேட நிகழ்வில் கலந்து கொண்டு கருத்து தெரிவித்த Bodyline இன் பிரதம நிறைவேற்று அதிகாரி தினேஷ் டி சில்வா:
“இலங்கையிலும் இந்தியாவிலும் 60,000 நேரடி வேலை வாய்ப்புகளை நாங்கள் உருவாக்கியுள்ளதுடன், எங்கள் எண்ணக் கருவை யதார்த்தமாக்குவதன் மூலம், எங்கள் பங்குதாரர்கள், வாடிக்கையாளர்கள், பணியாளர்கள் மற்றும் சமூகத்தின் மீது நேர்மறையான தாக்கத்தை ஏற்படுத்தியுள்ளோம். எங்கள் சர்வதேச இணை உருவாக்க மத்திய நிலையத்தின் மூலம் விநியோக தீர்வுகளை வழங்குவதன் மூலம், உலகப் புகழ்பெற்ற பிராண்டுகளுக்கு ஒரு பங்காளியாக நாங்கள் எங்கள் நற்பெயரை முன்னோக்கிக் கொண்டு செல்கின்றோம். நமது வளர்ச்சி நமது மக்களின் வளர்ச்சியைப் பொறுத்தது. “கனவுகளை நனவாக்கி உலகில் வாழ்க்கையை உறுதிசெய்யும்” எங்கள் பணியை் நாங்கள் பணிபுரியும் சமூகங்களின் வாழ்க்கையை மேம்படுத்துவதற்கு நாங்கள் அர்ப்பணித்துள்ளோம்.” என தெரிவித்தார்.
Bodyline, அதன் வணிக செயல்பாடுகள் மூலம் தேசிய பொருளாதாரத்திற்கு பங்களிப்பதோடு மட்டுமல்லாமல், பொதுத்துறை பாடசாலைகள் மற்றும் மருத்துவமனைகளுக்கான உள்கட்டமைப்பை உருவாக்குதல், தேவைப்படும் மக்களின் தேவைகளைப் பூர்த்தி செய்தல் மற்றும் சிறப்பு பெருநிறுவன சமூக பாதுகாப்பு திட்டங்கள் மூலம் விளையாட்டு வீரர்களுக்கு ஆதரவளிப்பதன் மூலமும் சமூகங்களை மேம்படுத்த உதவுகிறது.
“Bodyline இன் 30 வருட திட்டங்கள்” மூலம் செயல்படுத்தப்படும் சில எதிர்கால முயற்சிகளைப் பற்றி குறிப்பிடுகையில், நிறுவனத்தின் நிலையான வணிகத்தின் துணை பொது முகாமையாளர் திருமதி. சௌமி டி அல்மேதா, “30 திட்டங்களில் நான்கு திட்டங்களில் ஈடுபடுவதற்கு அனைத்து ஊழியர்களுக்கும் வாய்ப்புக்கான கதவு திறந்துள்ளது. இது தவிர, களுத்துறை முதல் பாணந்துறை வரையிலான 7 கிலோமீட்டர் கடற்கரையோரங்களை சுத்தம் செய்தல், மாவக் ஓயா ஆற்றின் கரையோரங்களில் 1,000 மரங்களை நடுதல், முதலாம் தர மாணவர்களின் பாடசாலை விநியோகத்திற்காக நிதி திரட்டுவதற்காக Bodyline Fit மற்றும் Fun Run ஏற்பாடு செய்தல் மற்றும் Bodyline இன் 2 ஏக்கர் நிலப்பரப்பு முழுவதும் விரிவான காடு வளர்ப்பை உருவாக்கவும் திட்டமிடப்பட்டுள்ளமை குறிப்பிடத்தக்கது.” என தெரிவித்தார்.
Bodyline நிறுவனம் தனது 30வது ஆண்டு நிறைவை முன்னிட்டு ஹொரண பிரதேசத்தில் இரண்டு புதுப்பிக்கப்பட்ட பஸ் நிலையங்களையும் நிறுவனத்திற்கு அருகில் திறந்து வைத்துள்ளது.
“நாங்கள் இங்கிரிய மருத்துவமனையில் இரண்டு புதிய கழிவறைகளை நிர்மாணித்தோம் மற்றும் வெளிநோயாளர் பிரிவு மற்றும் ETU பிரிவு ஆகியவற்றை புதுப்பித்து வர்ணம் பூசினோம்.” என அவர் மேலும் தெரிவித்தார்.
“எங்கள் தொடர்ச்சியான வெற்றி மற்றும் வளர்ச்சி எங்களை Bodyline இன் 30வது ஆண்டு நிறைவுக்கு கொண்டு வந்துள்ளதுடன் அந்தப் பயணத்தில், பொருளாதார மற்றும் அரசியல் அழுத்தங்களை வலுவாக எதிர்ப்பதன் மூலம், நமது சமூகங்களுக்கு உயர் பங்களிப்பையும் செய்ய முடிந்தது.” என Bodyline இன் மனித வளங்கள் மற்றும் நிலையான வணிகப் பணிப்பாளர் திரு. வேணுர அத்தநாயக்க, நிறுவனத்தின் நோக்கத்தை மீண்டும் மீண்டும் வலியுறுத்திக் கூறினார்.
‘ரணவிருகம’ நிகழ்ச்சித் திட்டத்தின் மூலம் முப்படை வீரர்களுக்கான வீடுகளை நிர்மாணித்தல், ஹொரணை ஆதார வைத்தியசாலையின் குழந்தைகளுக்கான HDU நிர்மாணம் உட்பட இந்நாட்டுச் சமூகம் விரும்பி அரவணைத்துச் செல்லும் திட்டங்களாக இந்நிறுவனத்தின் முக்கியத் திட்டங்களைச் சுட்டிக்காட்டலாம். மேலும், ஹொரண வித்யாரத்ன கல்லூரியின் சிறார்களுக்கு குத்துச்சண்டை விளையாடுவதற்காக குத்துச்சண்டை வளையத்தை நிர்மாணித்ததன் மூலம் சமூகங்களுக்கிடையில் குத்துச்சண்டை போன்ற விளையாட்டுக்களை ஊக்குவிக்க நிறுவனத்தால் முடிந்தது.
Bodyline என்பது MAS ஹோல்டிங்ஸ், Triumph International Germany மற்றும் Mast Industries USA ஆகியவற்றின் கூட்டு முயற்சியாகும். உருவாக்குதல் முதல் விநியோகம் வரை ஆடைகளை உற்பத்தி செய்யும் திறன் இந்நிறுவனத்திற்கு உள்ளது. இது உங்கள் உடலின் அளவு மற்றும் வடிவத்திற்கு ஏற்ப வடிவமைக்கப்பட்ட ஆடைகளை தயாரிப்பதில் முன்னணியில் உள்ளது, இது உயர்தர next-to-skin விளையாட்டு ஆடைகளை வழங்குகிறது. இந்நிறுவனம் உயர்தர நவீன உள்ளாடைகளை தயாரிப்பதிலும் சிறந்த பெயரைப் பெற்றுள்ளது. நிறுவனம் படிப்படியாக ஒரு வாடிக்கையாளருக்கான எளிமையான வடிவமைப்பிலிருந்து பல்வேறு சர்வதேச வர்த்தக இலச்சினைகள் பெயர்களுக்கான தயாரிப்பு வகைகளில் வடிவமைப்புகளை உருவாக்கியுள்ளமையும் குறிப்பிடத்தக்கது.