Business Partner Awards 2025 සම්මාන උළෙලේදී INSEE සිමෙන්ති වෙතින් ව්‍යාපාර හවුල්කරුවන්ගේ විශ්ෂ්ටත්වයට ඇගයීමක්

ශ්‍රී ලංකාවේ අංක 1 සිමෙන්ති නිෂ්පාදකයා සහ සැපයුම්කරු වන INSEE සිමෙන්ති සමාගමේ, Business Partner Awards 2025 වාර්ෂික ව්‍යාපාර සහකරු සම්මාන උළෙල Cinnamon Life, City of Dreams හි පසුගිය දා අති උත්කර්ෂවත් අයුරින් පවත්වනු ලැබූ අතර, ව්‍යාපාරික හවුල්කරුවන් අගයමින් සුවිශේෂී සම්මාන ප්‍රදානයක් ද මෙහිදී සිදු කරන ලදී.

‘Rising Beyond Limits; Inspiring New Horizons’ යන තේමාව යටතේ පැවති මෙම උත්සවයේදී, සමාගමේ අඛණ්ඩ වර්ධනය සහ වෙළඳපොළ ප්‍රමුඛස්ථානය සඳහා සුවිශේෂී කාර්යභාරයක් ඉටු කළ INSEE සිමෙන්ති වෙළඳාමේ හවුල්කරුවන්‌ගේ දායකත්වය අගය කරනු ලැබීය.

දිවයින පුරා INSEE සිමෙන්ති වෙළඳ හවුල්කරුවන්ගේ කැපී පෙනෙන ජයග්‍රහණ ඇගයීමට ලක් කළ මෙම උත්සවයේදී සම්මාන 32ක් ප්‍රදානය කළේය. සමාගමේ ප්‍රමුඛතම සිමෙන්ති සන්නාම දෙක වන සංස්ථා සහ මහවැලි මැරීන් ප්ලස් අලෙවියේ කැපී පෙනෙන දායකත්වයන් සිදු කරමින්, සිමෙන්ති වෙළඳාම තුළ සාර්ථකත්වය ළඟා කර ගැනීම සඳහා කැපවීමෙන් කටයුතු කළ පිරිස් වෙත මෙලෙස සම්මාන ප්‍රදානය කරන ලදී.

වසරේ ව්‍යාපාරික සහකරු සම්මානය ලහිරු එන්ටර්ප්‍රයිසස්/ආර්.ඩබ්ලිව්. හෝල්ඩින් සමාගම – කොට්ටාව විසින් දිනාගත් අතර, INSEE ව්‍යාපාර හවුල්කරුවන් ලෙස සිමෙන්ති අලෙවියේ වර්ධනයේ සහ අලෙවියේ තරඟකාරී ප්‍රතිලාභ පෙන්නුම් කිරීම යන සාධක ඔස්සේ ඔවුන්ගේ කැපී පෙනෙන කාර්ය සාධනය සහ විශිෂ්ටත්වය සඳහා සම්මාන පිරිනැමින.

විශේෂ ජාතික කාණ්ඩය යටතේ, ඇඹිලිපිටිය Warehouse – ඇඹිලිපිටිය, ඉහළම වාර්ෂික වර්ධනයක් අත්කර ගැනීම වෙනුවෙන් ඇගයීමට ලක් වූ අතර, New Central Hardware – පිළිමතලාව, වැඩිම විකුණුම් ප්‍රමාණය සඳහා හිමි සම්මානය දිනා ගන්නා ලදී. INSEE à·„à·’ ව්‍යාපාරික හවුල්කාර ජාලයේ වර්ධනය සහ දියුණුව සඳහා ඇති අවස්ථාවන් ද මේ තුළින් ඉස්මතු විය. 

මිත්‍රශීලී වෙළඳ ජාලය සහ සාමූහික අවස්ථා තුළින් එකිනෙකාගේ වර්ධනයට සහ සාර්ථකත්වයට උපකාරී වන ශක්තිමත් හවුල්කාරීත්වයක් ගොඩනැඟීම සඳහා INSEE විසින් දක්වන කැපවීම ද මෙම සම්මාන උළෙල තුළින් ඉස්මතු විය. ‘Beyond Boundaries’ හෙවත් ‘ජයග්‍රහණයේ අතික්‍රමණය’ යන තේමාව තුළින් විශිෂ්ට සහයෝගීතාවක් නිර්මාණය කිරීම සඳහා වන සමාගමේ දැක්ම ද පෙන්නුම් කරනු ලැබීය.

“INSEE සිමෙන්ති සමාගමේ සභාපති/ප්‍රධාන විධායක නිලධාරී නන්දන ඒකනායක මහතා අදහස් දක්වමින්, “අපගේ ව්‍යාපාරික හවුල්කරුවන් INSEE සිමෙන්ති සමාගම ලබා ඇති සාර්ථකත්වයට බලපෑ අත්‍යවශ්‍ය සාධකයක්. ශ්‍රී ලංකාවේ සිමෙන්ති කර්මාන්තයේ වෙළඳපොළ ප්‍රමුඛයා වශයෙන් INSEE ලබා ඇති ස්ථානය දිගටම පවත්වා ගන්නට හේතු වුණේ ඔවුන්ගේ විශිෂ්ට කැපවීම සහ අඛණ්ඩ සහයෝගයයි. විශ්වාසය, වර්ධනය සඳහා උපකාර කිරීම සහ ශ්‍රී ලංකාවේ ඉදිකිරීම් කර්මාන්තයේ අනාගතය හැඩගැස්වීම යන කරුණු නිසා මෙම හවුල්කාරිත්වය හුදෙක්ම ව්‍යාපාරයකින් පමණක් නොවී ඉන් ඔබ්බට විහිදෙන සමීප සබඳතාවක් දක්වා වර්ධනය වී තිබෙනවා. සුවිශේෂී ප්‍රතිඵල අත්කර ගන්නට අපගේ හවුල්කරුවන්ට අවශ්‍ය මෙවලම්, සහාය සහ අවස්ථාවන් උදා කර දීමට අපි නිරන්තරයෙන් කැපවී සිටිනවා.”

Siam City Cement Public Company Limited (SCCC) හි සාමාජිකයෙකු වන INSEE සිමෙන්ති, ඉහළ ඉල්ලුමක් ඇති INSEE සංස්ථා සහ INSEE මහවැලි මැරීන් ප්ලස් සිමෙන්ති සන්නාම ඇතුළුව සිමෙන්ති සහ ගොඩනැගිලි ද්‍රව්‍යවල පුළුල් පරාසයක නිෂ්පාදන පෙළක් සමඟ වෙළඳපොළ ප්‍රමුඛයා බවට පත්ව සිටියි. සමාගමේ ශක්තිමත් වෘත්තීය කණ්ඩායම දේශීය ඉදිකිරීම් කර්මාන්තය තවත් ඉහළට ඔසවා තබමින් අඩු කාබන් විමෝචන සහිත විසඳුම් සමඟ අනාගතයට සුදුසු අයරින් ඉදිරිකිරීම් ක්ෂේත්‍රය සූදානම් ඉදිකිරීම් සඳහා වූ දැවැන්ත මෙහෙවරකට කැපවී සිටියි. එමෙන්ම, හවුල්කරුවන්ට වෙළඳපොළ තුළ තිරසර සංවර්ධන අවස්ථා සහ තරඟකාරී ප්‍රතිලාභ ලබා දෙන්නට ද සමාගම කටයුතු කරයි.

à·´