John Keells Properties සමාගම ඉදිකර ඇති සුවිශේෂී ව්‍යාපෘතියක් වන Cinnamon Life ව්‍යාපෘතියේ නේවාසික කුලුන වන ‘The Suites’ සහ සහ කාර්යාලයීය කුලුන වන ‘The Offices’ හි ඉදිකිරීම් මේ වනවිට අවසන් වී ඇත.
ඒ අනුව, සුඛෝපභෝගී නිවාස ඒකක 196 කින් සමන්විත එම නේවාසික කුලුන සහ මහල් 30 කින් යුත් කාර්යාලයීය කුලුන, ඉදිකිරීම් කටයුතු සිදුකරන HKN සමාගමේ (Hyundai, Keangnam සහ නවලෝක අතර හවුල්කාරීත්වයකි) ව්‍යපෘති අධ්‍යක්ෂ ටී. එච්. කිම් මහතා විසින් John Keells Holdings (JKH) හි සභාපති ක්‍රිෂාන් බාලේන්ද්‍ර මහතා වෙත භාරදෙන ලදි.
මෙම අවස්ථාවේදී අදහස් දක්වමින් බාලේන්ද්‍ර මහතා පැවසුවේ ‘The Suites’ සහ ‘The Offices’ ඉදිකිරීම් අවසන් වීම යනු කොළඹ නගරයේ නව යුගයක ආරම්භය සනිටුහන් කරන සිදුවීමක් බවයි.
සුඛෝපභෝගී මහල් නිවාස සහ කාර්යාල යනු මෙම දැවැන්ත සංවර්ධන ව්‍යාපෘතියේ වැදගත් අංගයක් බව පෙන්වා දුන් බාලේන්ද්‍ර මහතා, Cinnamon Life ව්‍යාපෘතිය සම්පූර්ණ වූ පසුව එය දකුණු ආසියාවේ එබඳු ඕනෑම ව්‍යාපෘතියක් අභිභවා යාමේ හැකියාව සහිත ව්‍යාපෘතියක් බවට පත්වනු ඇතැයි පැවසී ය.
“John Keells Holdings මගින් Cinnamon Life සංකල්පය නිර්මාණය කළේ 2010 වසරේදීයි. විශාල ප්‍රමාණයේ තරු පහේ හෝටල් දෙකක් වන Cinnamon Grand සහ Cinnamon Lakeside කළමනාකරණය කරන අපට, කොළඹ නගරයේ විශාල ප්‍රමාණයේ උත්සව පැවැත්වීමට නිසි ස්ථානයක් නොමැති බව පෙනී ගියා. කාමර 800 කින් යුත් හෝටලයක් මෙන්ම උත්සව ශාලා, සම්මන්ත්‍රණ ශාලා සහ සාප්පු සංකීර්ණ ආදියෙන් සමන්විත Cinnamon Life එම අඩුව පිරවීමට සමත් වේවි. අනාගතයේදී දකුණු ආසියාවේ විශාලතම සම්මන්ත්‍රණ රාශියක් මෙහිදී පැවැත්වෙනු ඇතැයි කියා අප සිතනවා.
“ශ්‍රී ලංකාවේ පෞද්ගලික අංශය මෙතෙක් සිදුකළ විශාලතම ආයෝජනය මෙයයි. ඉදිරි වසරේදී Cinnamon Life ව්‍යාපෘතිය සම්පූර්ණ වීමෙන් පසුව එය කොළඹ නගරය දකුණු ආසියානු කලාපයේ විවේක, විනෝදාස්වාද සහ සාප්පු සවාරි කේන්ද්‍රයක් බවට පත්කිරීමට උපකාරී වේවි.
“මෙය අපට පමණක් නොව, මුළු ලෝකයටම දුෂ්කර කාලයක්. එහෙත් නිසි ආකල්ප ඇත්නම් ජයගත නොහැකි අභියෝගයක් නැහැ. HKN සමග එක්වී මෙම කුලුනු දෙකේ ඉදිකිරීම් කටයුතු සම්පූර්ණ කිරීම මගින් අප එය ඔප්පු කර තිබෙනවා.” බාලේන්ද්‍ර මහතා වැඩිදුරටත් පැවසී ය.
John Keells Properties ව්‍යාපාර අංශ ප්‍රධානී සහ John Keels Holdings උප සභාපති නයන මාවිල්මඩ මහතාද මෙම අවස්ථාවේදී අදහස් දැක්වී ය. ඔහු පැවසුවේ මෙම ව්‍යාපෘතිය අවසන්
වූ පසුව එය ඩුබායි හි Burj Khalifa සහ සිංගප්පූරුවේ Marina Bay Sands මෙන්ම ගෘහ නිර්මාණ ශිල්පය අතින් අතිශය ජනප්‍රිය නිර්මාණයක් බවට පත්වනු ඇති බවයි. එමෙන්ම එය බාහිර ලෝකය කොළඹ නගරය ගැන සිතන ආකාරය මුළුමනින්ම වෙනස් කරනු ඇති බවද ඒ මහතා පෙන්වා දුන්නේ ය.
“මෙම ව්‍යාපෘතිය බොහෝ පැතිමානයන් සම්බන්ධයෙන් නව මානයන් සනිටුහන් කරනු ඇතැයි කියා මා සිතනවා. ශ්‍රී ලංකාව ලෝකයට විවෘත කිරීම මෙම ව්‍යාපෘතියේ එක් ප්‍රධාන අරමුණක්. ව්‍යාපෘතිය අවසන් අදියරට පැමිණ ඇති මේ මොහොතේ අප කවුරුත් අනාගතය දෙස බලා සිටින්නේ ඉතාමත් උනන්දුවෙන්. අප බොහෝ දෙනෙකු නොසිතන තරම් විශාල පරිවර්තනයක් ඇතිකිරීමට මෙම ව්‍යාපෘතිය සමත් වනු ඇති බවට සැකයක් නැහැ.” නයන මාවිල්මඩ මහතා පැවසී ය.
‘නගරයක් තුළ නගරයක්’ ලෙස හැඳින්විය හැකි Cinnamon Life කොළඹ නගරයේ ජීවන රටාව වෙනස් කිරීම ඉලක්ක කරගත් ව්‍යාපෘතියක් වන අතර, සෑම අවස්ථාවකදී සුවිශේෂී අත්දැකීම් තිළිණ කිරීමට සැදීපැහැදී සිටී. කාමර 800 කින් සමන්විත සුඛෝපභෝගී හෝටලය සහ සුඛෝපභෝගී නිවාස එකතුවට අමතරව, සාප්පු සංකීර්ණ, විනෝදාස්වාද මධ්‍යස්ථාන, සහ ඉහළම මට්ටමේ ජාත්‍යන්තර ප්‍රමිතීන්ට අනුකූල නවීන කාර්යාලයීය අවකාශයන් ඇතුළු තවත් බොහෝ දේ Cinnamon Life ව්‍යාපෘතියට ඇතුළත් වී තිබේ.
සුප්‍රකට ශ්‍රී ලාංකික-බ්‍රිතාන්‍ය ගෘහ නිර්මාණ ශිල්පියෙකු සහ කතුවරයෙකු වන සෙසිල් බැල්මොන්ඩ් මහතා විසින් සැලසුම් කරන ලද Cinnamon Life ව්‍යාපෘතිය වර්ග අඩි මිලියන 4.5 ක ප්‍රමාණයක් ආවරණය කරන අතර, එය කොළඹ නගරයේ පමණක් නොව සමස්ත කලාපයේම ජීවන රටා හා විනෝදාස්වාද කේන්ද්‍රස්ථානයක් වනු ඇත. මෙහි නිවාස ඇමරිකානු ඩොලර් 395,000 සිට ඉහළට මිලදීගත හැකි වේ. වැඩි විස්තර සඳහා +94-112-152152 අමතන්න. නැතිනම් www.cinnamonlife.com වෙත පිවිසෙන්න.