- நிகழ்ச்சியின் பூர்த்தியைத் தொடர்ந்து, பாரியளவு மாற்றியமைப்பாக ஒட்டு மொத்த டிஜிட்டல் ஆற்றல்களில் 35% வளர்ச்சி அவதானிப்பு
- நிகழ்ச்சியை பூர்த்தி செய்த, பங்குபற்றுனர்களான 10 வர்த்தக நாமங்களிd; ஆற்றல்களில் , நிகழ்ச்சியின் ஆரம்பம் முதல் பதிவாகிய அதியுயர் வளர்ச்சியாக 54% பதிவு.
எல்லைகள் திறக்கப்பட்டவுடன் தொற்றுப் பரவலின் பின்னரான பிரயாணிகளை கவர்வதற்கும், தொழிற்துறையின் வளர்ச்சிக்கு பங்களிப்பு வழங்குவதற்கும் சேவை வழங்குநர்கள் மற்றும் செயற்பாட்டாளர்களுக்கு தற்போது அதிகளவு வாய்ப்புகள் காணப்படுகின்றன.
2021 மே மாதம் ஆரம்பிக்கப்பட்டு 12 வாரங்களுக்கு அதிகமாக இடம்பெற்ற ‘GLX Digital Evolver’ நிகழ்ச்சி வெற்றிகரமாக நிறைவு பெற்றுள்ளதாக Good Life X (GLX) அறிவித்துள்ளது. இலங்கையைச் சேர்ந்த பிரயாணம் மற்றும் சுற்றுலாத் துறைகளைச் சேர்ந்த வியாபாரங்களுக்கு டிஜிட்டல் ரீதியில் வலுவூட்டும் வகையில் இந்த நிகழ்ச்சி வடிவமைக்கப்பட்டிருந்தது.
பொருளாதார கூட்டுறவு மற்றும் அபிவிருத்திக்கான ஜேர்மனி அமைச்சின் நிதியுதவியில், இலங்கை Deutsche Gesellschaft für Internationale Zusammenarbeit (GIZ) இனால் மெய்நிகர் நிகழ்வாக ஒன்லைனில் மூன்று மாத காலம் முன்னெடுக்கப்பட்ட இந்தத் திட்டம், பத்து பங்குபற்றுநர்களையும், பத்து டிஜிட்டல் மற்றும் சுற்றுலா நிபுணர்களையும் ஈடுபடுத்தி இடம்பெற்றது. இறுதி நிகழ்வின் சிறப்பு பேச்சாளராக, RETRACE Hospitality இன் ஸ்தாபகர் சலன பெரேரா பங்கேற்றார். பங்குபற்றுநர்களுடன் தமது நேர்த்தியான தாக்க ஆலோசனை மற்றும் மீண்டெழும் ஹோட்டல் அபிவிருத்தி தொடர்பான தமது நிபுணத்துவ அறிவை பங்குபற்றுநர்களுடனும், பார்வையாளர்களுடனும் பகிர்ந்து கொண்டார். தொழிற்துறை தொடர்பான முக்கியத்துவம் வாய்ந்த உள்ளம்சங்களுடன், பெருவாரியான நிபுணர்கள் மற்றும் பங்குபற்றுநர்கள் பற்றிய பிரதான உள்ளம்சங்கள் மற்றும் கருத்துரைகளை இந்த நிகழ்வு கொண்டிருந்தது.
Good Life X இன் ஸ்தாபகரும் பிரதம நிறைவேற்று அதிகாரியுமான ரந்துலா டி சில்வா கருத்துத் தெரிவிக்கையில், “நிலைபேறாண்மையை நோக்காகக் கொண்ட இலங்கையின் பிரயாணம் மற்றும் சுற்றுலாத் துறையைச் சேர்ந்த தொழில் முயற்சியாளர்களுக்கு ஆதரவு வழங்கும் வகையில் இந்த நிகழ்ச்சித் திட்டம் வடிவமைக்கப்பட்டிருந்தது. தமது வியாபாரங்களை மீளக் கட்டியெழுப்புவதற்கு உதவுவது மாத்திரமன்றி, எதிர்காலத்துக்கு வருமானமீட்டுவதற்கு உதவும் வகையிலும், டிஜிட்டல் அறிவையும், வசதிகளையும் கொண்டிருப்பதற்கு உதவும் வகையிலும் அமைந்துள்ளது. தொற்றுப் பரவலின் பின்னரான எதிர்கால பிரயாணிகள், தமது பாவனையாளர் செயற்பாடுகளை டிஜிட்டல் முறையில் மேற்கொள்வதில் அதிகளவு ஈடுபாட்டை கொண்டிருப்பார்கள். நாடு மீளத் திறக்கப்பட்டதும் முன்னேறிச் செல்வதற்கு, இந்தத் துறைக்கு தொழில்நுட்பம் என்பது முக்கியமானதாக அமைந்துள்ளது. இந்த நிகழ்ச்சியின் பெறுபேறு என்பது நிலைபேறான வியாபார இலக்குகள், டிஜிட்டல் சந்தைப்படுத்தல் தந்திரோபாயங்கள் மற்றும் சாதனங்கள், கட்டமைப்பு செம்மையாக்கம் மற்றும் நாளிகை முகாமைத்துவ தந்திரோபாயங்கள் ஆகியவற்றை அடிப்படையாகக் கொண்டு வியாபாரங்கள் தொடர்ந்து இயங்குவது மாத்திரமன்றி, எதிர்வரும் மாதங்கள் மற்றும் வருடங்களில் எமது தேசம் கொவிட்-19 தொற்றுப் பரவலிலிருந்து மீண்டு, அதன் காரணமாக நாம் முகங்கொடுத்துள்ள இந்த நெருக்கடியான நிலையிலிருந்து மீள்வதற்கு முடியும் என்பதையிட்டு நாம் திருப்தியடைகின்றோம்.” என்றார்.
இந்த நிகழ்ச்சியின் பயனாக, ஒன்லைன் மென்பொருள் பதிவுக் கட்டமைப்பான TrekkSoft ஐ ஒன்றிணைக்கும் முதல் நிறுவனங்களில் ஒன்றாக Rediscover திகழ்வதை எம்மால் அவதானிக்க முடிந்தது. மேலும், Infinity Vacations போன்ற பங்குபற்றுநர்களால் – ‘That’s a Holiday’ எனும் வர்த்தக நாமம் உருவாக்கப்பட்டிருந்தது. இதனூடாக மிலேனியல் மற்றும் Gen-Z பிரயாணிகளுக்கு சேவைகள் வழங்கப்படுவதுடன், 24/7 ஒன்லைன் பிரயாண கட்டமைப்பு சேவை நிறுவ பயன்படும். துரித மீள வர்த்தக நாம பதிவு திட்டத்தினூடாக Gileemale இனால் ஒன்லைனில் தனது பிரசன்னத்தை மேம்படுத்திக் கொள்ள முடிந்ததுடன், தற்கால பிரயாணிகளின் தேவைகளுக்கேற்ப தம்மை மாற்றியமைத்துக் கொள்ள உதவியாக அமைந்துள்ளது.
இறுதிக் குறிப்பாக டி சில்வா தெரிவிக்கையில், “12 வார முயற்சிகளின் பெறுபேறுகள் என்பது மிகவும் சிறந்ததாக அமைந்துள்ளது. இலங்கையின் தொழில்முயற்சியாளர்கள் கொண்டிருக்கும் மீண்டெழும் மற்றும் பின்பற்றி இயங்கக்கூடிய நிலை காரணமாக இதை எய்த முடிந்தது. தொழில்நுட்பம் மற்றும் பாரம்பரிய துறைகள் போன்றவற்றுக்கிடையே பிணைப்பை ஏற்படுத்துவது மாத்திரமன்றி பொருளாதாரம் வளர்ச்சியடையக்கூடிய பிரிவுகளில் உறுதியான பிணைப்புகளை ஏற்படுத்தி அதனூடாக வளர்ச்சியை ஏற்படுத்துவது எமது எதிர்பார்ப்பாக அமைந்துள்ளது.” என்றார்.
GLX Digital Evolver நிகழ்ச்சி என்பதில் பத்து இறுதி வர்த்தக நாமங்களான – Gileemalee Retreat, Summer Explorers Pvt Ltd, Eco Grip, The Travel Concierge, Rediscover Sri Lanka, Detroves Travel, Nandana Tea factory, Eco Team – Sri Lanka Pvt Ltd, Infinity Vacations and Jungle Beach Camp – Ahungalla போன்றன பங்கேற்றிருந்தன. இந்த வர்த்தக நாமங்களுக்கு வளர்ந்து வரும் சர்வதேச பிரயாண சந்தைகளுக்கமைய, டிஜிட்டல் பகுதிகளை பயன்படுத்தி தமது செயற்பாடுகள், நிலைபேறான நடவடிக்கைகள், வியாபார வினைத்திறன், செயற்பாடுகள் மற்றும் சேவைகள் போன்றவற்றை மேம்படுத்திக் கொள்வதற்கு பெறுமதி வாய்ந்த வாய்ப்பு கிடைத்திருந்தன.
GLX பற்றி
இலங்கையிலுள்ள ஆரம்பநிலை நிறுவனங்கள் மற்றும் முதிர்ச்சியடைந்த நிறுவனங்களுக்கு தமது தயாரிப்புகளை மேம்படுத்திக் கொள்வது, உள்ளக மற்றும் வெளியக செயன்முறைகளை மேம்படுத்திக் கொள்வது, பிராந்தியங்கள் மற்றும் ஏனைய கண்டங்களைச் சேர்ந்த நாடுகளுக்கு தமது தயாரிப்புகள் மற்றும் சேவைகளை விஸ்தரித்துக் கொள்வதற்கு அவசியமான ஆதரவுகளை GLX வழங்குகின்றது. 2019 ஆம் ஆண்டு முதல் GLX தனது செயற்பாடுகளை முன்னெடுப்பதுடன், உணவு, அலங்கார வடிவமைப்பு, பிரயாணம் மற்றும் ஆரோக்கியம் போன்ற துறைகளில் வியாபாரங்கள் மற்றும் வர்த்தக நாமங்களைக் கட்டியெழுப்புவதில் பணியாற்றுகின்றது. மாதிரித் திட்டமாக 2019 ஆம் ஆண்டில் ஆரம்பிக்கப்பட்ட GLX, உணவு, விவசாயம், அலங்கார வடிவமைப்பு, ஆரோக்கியம் மற்றும் சுற்றுலாப் பிரிவுகளில் நிலைபேறான உள்நாட்டு ஆரம்பநிலை நிறுவனங்கள் மற்றும் சிறிய நடுத்தரளவு வியாபாரங்களை மேம்படுத்துவதில் கொண்டுள்ள தனது ஆழமான அனுபவம் மற்றும் பரிசோதிக்கப்பட்ட மாதிரிகளைக் கொண்டு செயலாற்றுகின்றது. இந்தப் பிரிவுகளைச் சேர்ந்த நாற்பதுக்கும் (40) அதிகமான நிறுவனங்களுடன் GLX பணியாற்றுகின்றது. மேலதிக தகவல்களுக்கு www.goodlifex.com எனும் இணையத்தளத்தை பார்க்கவும்.
GIZ பற்றி
The Deutsche Gesellschaft für Internationale Zusammenarbeit (GIZ) GmbH 1956 ஆம் ஆண்டு முதல் இலங்கை அரசாங்கத்தின் அபிவிருத்திப் பங்காளராக பணியாற்றுகின்றது. இலங்கையின் நல்லிணக்க செயன்முறைகளுக்கு உதவும் திறன்கள், நிறுவனசார் செயன்முறைகள் மற்றும் அமைப்புக்களைக் கட்டியெழுப்புதல், யுத்தத்துக்கு பின்னரான மீட்சிக்கான தனியார் துறை அபிவிருத்தி, தொழில் வாய்ப்புகளைப் பெற்றுக் கொள்வதற்கான பயிற்சிகளை வழங்கல், மற்றும் காலநிலை மாற்றம் காரணமாக ஏற்படக்கூடிய பாரதூரமான விளைவுகளை தவிர்த்துக்கொள்வதற்காக இயற்கை வள நிர்வாகத்தில் புத்தாக்கம் போன்றவற்றை GIZ தொடர்ச்சியாக மேற்கொண்டவண்ணமுள்ளது.