ශ්‍රී ලංකා අලෙවිකරණ ආයතනය (SLIM) විසින් වාර්ෂිකව සංවිධානය කරනු ලබන 2025 SLIM සන්නාම සතිය මෙරට අලෙවිකරණ ක්ෂේත්‍රය නැවතත් පරිවර්තනීය වෙනසකට ලක් කිරීමට සමත් විය. පෙබරවාරි 19 වැනි දින සිට 21 වන දින දක්වා ශ්‍රී ජයවර්ධනපුර කෝට්ටේ මොනාක් ඉම්පීරියල්හිදී ඉතා උත්සවාකාරයෙන් අවසන් වූ එම උත්සවයේදී නව්‍ය සන්නාම හා අලෙවිකරණ භාවිතයන් පිළිබඳ මනා අවබෝධයක් ලබා දීමට SLIM ආයතනය කටයුතු කරන ලදී. ජාත්‍යන්තර හා දේශීය කථිකයින් 28 දෙනෙකු විසින් සිය අදහස් බෙදා හදාගත් 2025 SLIM සන්නාම සතිය කර්මාන්ත නවෝත්පාදනය, සහයෝගීතාව හා වර්ධනය ඉහළ නැංවීමටද සුවිසල් අවස්ථාවක් විය.
මෙම සුවිශේෂී අවස්ථාව සඳහා ප්ලැටිනම් අනුග්‍රාහකයා ලෙස එක් වූ HNB මෙරට අලෙවිකරණ සහයෝගීතාව සවිබල ගැන්වීමට මෙන්ම නවෝත්පාදනයන් ඉහළ නැංවීමට තමන් සතු අප්‍රතිහත කැපවීම ප්‍රදර්ශනය කරන ලදී.
මේ සම්බන්ධයෙන් අදහස් දැක්වූ HNB හි ප්‍රධාන මෙහෙයුම් නිලධාරී සන්ජේ විජේමාන්න මහතා ආර්ථික වර්ධනය වෙනුවෙන් අලෙවිකරණයේ ඇති වැදගත්කම අවධාරණය කරමින් සඳහන් කර සිටියේ “අලෙවිකරණය ආර්ථික වර්ධනයේ හා නවෝත්පාදනයේ සුවිශේෂී ශක්තියක් බව HNB හඳුනාගෙන තිබෙනවා. ක්ෂේත්‍රයේ ප්‍රමුඛයින් හට තමන්ගේ අදහස් බෙදාහදා ගැනීමට, සාම්ප්‍රදායික භාවිතයන් අභියෝගයට ලක් කිරීමට මෙන්ම උපායමාර්ගික සාකච්ඡාවන් ඉහළ නැංවීමට SLIM සන්නාම සතිය සුවිශේෂී අවස්ථාවක් වනවා. තිරසාර වර්ධනයක් වෙනුවෙන් අවශ්‍ය දැනුම හා අවස්ථාවන්ගෙන් මෙරට ව්‍යාපාරික ප්‍රජාව සවිබල ගැන්වීමේ අපගේ අරමුණ මනාව පෙන්නුම් කරන මෙම අවස්ථාව වෙනුවෙන් ප්ලැටිනම් අනුග්‍රාහකයා ලෙස සහයෝගය දැක්වීමට ලැබීම පිළිබඳ ඉතාමත් සතුටුයි.” යනුවෙනි.
මෙම අවස්ථාවට එක් වූ ප්‍රමුඛ පෙළේ ජාත්‍යන්තර කථිකයින් ලෙස “Wolf of Wall Street” ලෙස බොහෝ දෙනා හඳුනන ජෝර්ඩන් බෙල්ෆෝට් (Jordan Belfort) සහ ගෝලීය වශයෙන් පිළිගත් digital marketing guru සහ NP Digital හි සම නිර්මාතෘ නීල් පටෙල් (Neil Patel) විසින් විකුණුම් උපාය මාර්ග සහ නායකත්වය පිළිබඳ ඔවුන්ගේ විශේෂඥ දැනුම බෙදාහදා ගැනීමට කටයුතු කරන ලදී. එසේම ‘නූතන වෙළෙඳනාමකරණයේ පියා’ ලෙස ගෞරවයට පත් මහාචාර්ය ඩේවිඩ් ආකර් සහ “Marketing 6.0,” හි සම කර්තෘ Iwan Setiawan ද මෙහිදී අදහස් ඉදිරිපත් කරමින් සහභාගී වූ පිරිස් වෙත දැනුම ලබා දීමට එක් වූහ. මහාචාර්ය වර්ෂා ජේන් ඒ සමඟ එක් වෙමින් අලෙවිකරණ උපායමාර්ග හා නිර්මාණශීලීත්වය පිළිබඳ සංවාදය තවදුරටත් අර්ථවත් කරන ලදී.
දින 3ක් පුරා පැවති 2025 SLIM සන්නාම සතියේදී සන්නාම පිළිබඳ උනන්දුව, විකුණුම් ක්‍රියාත්මක කිරීම, ඩිජිටල් අලෙවිකරණය, මාධ්‍ය නවෝත්පාදනය හා උපායමාර්ගික සැලසුම් වැනි ප්‍රධාන ක්ෂේත්‍රයන් පිළිබඳ අවබෝධය ලබා දෙමින් නව්‍ය අලෙවිකරුවන්ගේ හදිසි අවශ්‍යතා සපුරාලීමටද කටයුතු කිරීම විශේෂත්වයකි. සාර්ථකත්වය හා නවෝත්පාදන පිළිබඳ වත්මන් උදාහරණ සපයමින් වෙළෙඳපොල තුළ විශිෂ්ටත්වයට පත් දේශීය සන්නාම පිළිබඳව අවබෝධය ලබා දීමද මෙහිදී සිදු විය.