புத்தாக்கத்தையும், தொழில்துறையையும் ஒன்றிணைத்த Samsung Sri Lanka-வின் B2B உச்சிமாநாடு 2025

Samsung Sri Lanka சமீபத்தில் B2B உச்சிமாநாடு 2025ஐ வெற்றிகரமாக நடத்தியது. இந்த நிகழ்வில் அரசாங்கம், உற்பத்தி, கல்வி, சுகாதாரம், ஏற்று-இறக்கல், வங்கி, நிதி, காப்புறுதி மற்றும் விருந்தோம்பல் ஆகிய பல்வேறு துறைகளைச் சேர்ந்த 180க்கும் மேற்பட்ட முக்கிய பங்குதாரர்கள் கலந்துகொண்டனர். இந்த உச்சிமாநாடு Samsung இன் நவீன தொழில்நுட்ப புத்தாக்கங்களை காட்சிப்படுத்தியதோடு, அவற்றின் நிறுவன மொபைல் தீர்வுகள் மற்றும் வாடிக்கையாளர் மின்னணுவியல் சாதனங்கள் இலங்கையின் டிஜிட்டல் மாற்றத்தை எவ்வாறு முன்னெடுக்கின்றன என்பதையும் வெளிப்படுத்தியது.

ளுயஅளரபெ இன் மொபைல் அனுபவம் (Mobile Experience) மற்றும் வாடிக்கையாளர் மின்னணுவியல் (CE Consumer Electronics) பிரிவுகளின் இணைந்த வழிகாட்டுதலில் நடைபெற்ற இந்த மாநாடு, இன்றைய முக்கியமான செயல்பாட்டு சூழல்களில் உள்ள சவால்களை எதிர்கொள்ள துறை சார்ந்த தீர்வுகளை உருவாக்குவதில் Samsung கொண்டுள்ள அர்ப்பணிப்பை மீண்டும் வலியுறுத்தியது.

இந்த உச்சிமாநாடு, Samsung Sri Lanka மற்றும் மாலைதீவுகளுக்கான பணிப்பாளர் மற்றும் வாடிக்கையாளர் மின்னணுவியல் வணிகத் தலைவர் திரு. சப்ரி அன்சாரின் ஆரம்ப உரையுடன் தொடங்கியது. அதனைத் தொடர்ந்து, நிறுவனத்தின் முகாமைத்துவப் பணிப்பாளரும், கிளைத் தலைவருமான திரு. > Samsung Sri Lanka வரவேற்புரை வழங்கினார். இலங்கையில் வணிக உறுதித்தன்மை மற்றும் டிஜிட்டல் ஆயத்த நிலையை உறுதிசெய்வதில் ளுயஅளரபெ ஒரு நம்பகமான தொழில்நுட்ப பங்காளியாக உள்ள முக்கியத்துவத்தை இருவரும் தங்கள் உரைகளில் சுட்டிக்காட்டினர். 

இந்த மாநாட்டின் முக்கிய அம்சமாக, நிறுவன பயன்பாட்டிற்காக சிறப்பாக வடிவமைக்கப்பட்ட பாதுகாப்பு-தர பாதுகாப்பு தளமான Samsung Knox இன் விரிவான அறிமுகம் அமைந்தது. இந்தியாவின் பெங்களூரில் உள்ள Samsung Research Institute (SRI-B) நிறுவனத்தின் நெட்வொர்க் ஃபிரேம்வொர்க் துறையின் சிரேஷ்ட பொறியாளர் திரு ஜஸ்வந்த் தனுகொண்டா, Knox சுற்றுச்சூழல் அமைப்பை ஆழமாக விளக்கினார். அவர் முதலில் நாக்ஸ் சூட்டை அறிமுகப்படுத்தினார். இது தகவல் தொழில்நுட்ப நிர்வாகிகள் பெரிய எண்ணிக்கையிலான கேலக்ஸி சாதனங்களை திறமையாக நிர்வகிக்க, பாதுகாக்க மற்றும் பரவலாக்க உதவும் ஒரு முழுமையான தீர்வாகும். இந்த ஒருங்கிணைந்த தொகுப்பு சாதன பதிவை எளிதாக்குகிறது. நிகழ்நேர நிர்வாகத்தை அனுமதிக்கிறது மற்றும் முழுமையான தரவு பாதுகாப்பை வழங்குகிறது. இது உயர் பாதுகாப்பு தரநிலைகளை பராமரிக்கும் அதே வேளையில் வணிகங்கள் தங்கள் செயல்பாட்டு தொடர்ச்சியை மேம்படுத்த உதவுகிறது.

மேலும், Knox Configure மற்றும் Knox Guard ஆகியவை கல்வி மற்றும் சுகாதாரத் துறைகளில் உள்ள வணிகங்களுக்கு முக்கியமான கருவிகளாக அறிமுகப்படுத்தப்பட்டன. இவை நிறுவனங்களுக்கு சாதனங்களை தொலைதூரத்திலிருந்து உள்ளமைக்கவும், பாவனையாளர் இணக்கத்திற்காக அமைப்புகளை பூட்டவும், திருட்டு அல்லது நிதி ஆபத்து நேரங்களில் சாதனங்களை முடக்கவும் உதவுகின்றன. உணர்திறன் தரவு அல்லது பெரும் எண்ணிக்கையிலான சாதனங்களை நிர்வகிக்கும் துறைகளுக்கு இந்த கட்டுப்பாடு மிகவும் முக்கியமானது.

உதாரணமாக, சுகாதாரத் துறையில், Samsung Knox மருத்துவர்கள் பயன்படுத்தும் சாதனங்களை முழுமையாக பாதுகாத்து, நோயாளிகளின் தரவுகளைப் பாதுகாக்கிறது மற்றும் HIPAA விதிமுறைகளுக்கு ஏற்ப செயல்பட உதவுகிறது. கல்வித் துறையில், பாடசாலைகளும், பல்கலைக்கழகங்களும் பரீட்சைகளின் போது tablets-களைப் பூட்டவும், தனிப்பயன் கற்றல் இடைமுகங்களை உருவாக்கவும், வகுப்பறைகள் முழுவதும் மென்பொருளை தொலைதூரத்திலிருந்து நிர்வகிக்கவும் Knox இன் திறனால் பயனடைகின்றன.

இந்த மாநாட்டில் Samsung இன் உறுதியான கையடக்கத் தொலைபேசி சாதனங்கள் அறிமுகப்படுத்தப்பட்டன. குறிப்பாக கேலக்ஸி XCover 7கையடக்கத் தொலைபேசி மீது அதிக கவனம் செலுத்தப்பட்டது. இது மிகவும் கடினமான கள சூழல்களில் சிறப்பாக செயல்படும் வகையில் வடிவமைக்கப்பட்டுள்ளது. இராணுவ-தர பலம் (MIL-STD-810H), IP68 நீர் மற்றும் தூசி எதிர்ப்பு திறன், மற்றும் எளிதில் மாற்றக்கூடிய பேட்டரி ஆகிய அம்சங்களுடன், XCover 7 கட்டுமானத் தொழிலாளர்கள், கள பொறியாளர்கள் மற்றும் ஏற்று-இறக்கல் ஊழியர்களுக்கு ஏற்ற தீர்வாக அமைகிறது. இவர்களுக்கு கடுமையான சூழல்களில், வெளிப்புற பணிகளில் மற்றும் நீண்ட நேர வேலைகளில் உறுதியாக செயல்படக்கூடிய நம்பகமான சாதனம் அவசியமாகும். 

சரக்கு மற்றும் ஏற்று-இறக்கல் சேவை செயல்பாடுகளில், XCover 7கடினமான சூழல்களில் நிகழ்நேர தகவல்தொடர்பு, GPS வழிசெலுத்தல், பார்கோட் ஸ்கேனிங், மற்றும் தரவு சேகரிப்பை செயல்படுத்துகிறது. இது குழுக்கள் தொடர்ச்சியாக இணைந்திருக்கவும் செயல்திறனுடன் பணியாற்றவும் உதவுகிறது. இதனுடன், Galaxy Tab Active. இதுவும் உறுதிப்படுத்தப்பட்ட ஒரு சாதனம். உற்பத்தி மற்றும் விருந்தோம்பல் துறைகளில் தள ஆய்வுகள், மொபைல் தரவு உள்ளீடு மற்றும் நடமாடும் வாடிக்கையாளர் ஆதரவு போன்ற பணிகளுக்கு உதவுகிறது. இதன் S Pen வசதி மற்றும் கையுறை அணிந்த நிலையிலும் பயன்படுத்தக்கூடிய தொடுதிரை, கடுமையான சூழல்களில் அல்லது பாதுகாப்பு உடைகளுடன் பணிபுரியும் நிபுணர்களுக்கு மிகவும் பயனுள்ளதாக உள்ளது.

நுகர்வோர் மின்னணுப் பிரிவிலிருந்து Samsung இந்தியாவின் SAC வணிகத்தின் சிரேஷ்ட பணிப்பாளரும், தலைவருமான திரு. விபின் அகர்வால், DVM S2, DVM Eco மற்றும் DVM Water அமைப்புகள் உள்ளிட்ட சிஸ்டம் யுஊ தயாரிப்புகளின் தொகுப்பை அறிமுகப்படுத்தினார். இவை மருத்துவமனைகள், ஹோட்டல்கள், கல்வி நிறுவனங்கள் மற்றும் பெரிய அலுவலகங்கள் போன்ற வணிக இடங்களுக்காக வடிவமைக்கப்பட்டுள்ளன. இந்த அமைப்புகள் WindFree™ தொழில்நுட்பத்தைக் கொண்டுள்ளன. இது நேரடி காற்றோட்டம் இல்லாமல் அறைகளை மென்மையாக குளிரச்செய்து, அங்குள்ளவர்களின் வசதியை மேம்படுத்துகிறது.

மேலும், திரு. அகர்வால் 360 மற்றும் 1-Way கேசட்டுகளின் (Cassettes) முக்கியத்துவத்தை வலியுறுத்தினார். இவை உள்அமைப்பு வடிவமைப்பாளர்களுக்கு நெகிழ்வான நிறுவல் விருப்பங்களையும் அழகியல் கவர்ச்சியையும் வழங்குகின்றன. அவர் Active AI கட்டுப்பாடு மற்றும் குறைந்த ஒலியுடன் இயங்கும் தன்மை போன்ற புதிய தொழில்நுட்பங்களையும் முன்னிலைப்படுத்தினார். இவை ஆற்றல் செயல்திறனை மேம்படுத்த, கார்பன் வெளியேற்றத்தைக் குறைக்க மற்றும் ஸ்மார்ட் கட்டிட தானியங்கி அமைப்புகளை ஆதரிக்க உதவுகின்றன. இது இலங்கையின் வேகமாக வளர்ந்து வரும் நகர்ப்புற உட்கட்டமைப்பில் ஒரு முக்கிய தேவையாக உருவாகி வருகிறது.

Samsung இந்தியாவின் Display வணிகப் பிரிவின் விற்பனைக்கு முந்தைய தலைமை மேலாளரான திரு. ஹரிகிருஷ்ணன் T> Samsung Display தீர்வுகள் குறித்து பயனுள்ள விளக்கவுரை ஒன்றை வழங்கினார். இந்த தீர்வுகள் நிறுவனங்கள் தகவல்களைத் தொடர்புகொள்ளும், இணைந்து பணியாற்றும் மற்றும் தகவல்களை வழங்கும் முறைகளை மாற்றியமைக்கின்றன. பெருநிறுவன அலுவலகங்களில், Samsung இன் ஊடாடும் மற்றும் டிஜிட்டல் signage displays கூட்டங்கள் மற்றும் விளக்கக்காட்சிகளை மேம்படுத்தி, ஒத்துழைப்பு கருவிகள் மற்றும் video conferencing அமைப்புகளுடன் தடையற்ற ஒருங்கிணைப்பை வழங்குகின்றன.

கல்வித் துறையில், Samsung இன் ஊடாடும் வெள்ளைப்பலகைகள் கவரும் வகுப்பறை அனுபவங்களை வழங்கி, பல்லூடக பாடங்கள், நிகழ்நேர குறிப்புகள் மற்றும் மாணவர் பங்கேற்பை ஆதரிக்கின்றன. இவை தொலைதூர கற்றலுக்கும் உகந்தவை.

எதிர்கால திட்டத்தின் ஒரு பகுதியாக, Samsung Knox-இயக்கப்பட்ட சாதனங்களான XCover 7 மற்றும் Tab Active 5 பயன்பாட்டை சரக்கு, உற்பத்தி, சுகாதாரம் மற்றும் அரசாங்கத் துறைகளில் அதிகரிக்க உத்தேசித்துள்ளது. Knox மூலம், டிஜிட்டல் பணிப்பாய்வுகள், தரவு பாதுகாப்பு மற்றும் இணக்கத்திற்கான பாதுகாப்பான மொபைல் உட்கட்டமைப்புகளை அமைக்க உதவும்.

நுகர்வோர் மின்னணுப் பிரிவில், சாம்சங் SAC ஆலோசகர்கள் மற்றும் MEP ஒப்பந்ததாரர்களுடனான தொழில்நுட்ப கூட்டாண்மைகளை பயிற்சி, தனிப்பயனாக்கப்பட்ட விலைகள் மற்றும் பொறியியல் ஆதரவு மூலம் வலுப்படுத்தி, B2B துறையில் முன்னணியில் இருக்க முயற்சிக்கிறது.

Samsung தனது இலக்குகளுக்கு ஆதரவாக, அரசு மற்றும் நிறுவன ஒப்பந்தங்களுக்கான ஊக்கத்தொகைகள், பெரிய அளவிலான சாதன மேம்படுத்தல்களுக்கான மாற்றுத் திட்டங்கள் மற்றும் ஆலோசனை முதல் பராமரிப்பு வரையிலான முழு திட்ட ஆதரவு உள்ளிட்ட பிரத்தியேக B2B சலுகைகளை அறிமுகப்படுத்தியது.

Samsung Sri Lanka தொழில்நுட்ப அடிப்படையிலான நிறுவன மேம்பாட்டில் முன்னணியில் உள்ளது. LMD விருதுகளால் தொடர்ந்து ஐந்து ஆண்டுகளாக ‘மிகவும் விரும்பப்படும் மின்னணு நிறுவனம்’ என அங்கீகரிக்கப்பட்டு, SLIM ஆல் நான்கு ஆண்டுகளாக ‘மக்களின் இளைஞர் விருப்ப நிறுவனம்’ என்ற விருதைப் பெற்றுள்ளது.

B2B உச்சிமாநாடு 2025 மூலம், Samsung Sri Lanka பல்வேறு துறைகளில் பாதுகாப்பான, விரிவாக்கக்கூடிய வணிகத் தீர்வுகளை வழங்கும் மூலோபாய பங்காளியாக தனது நிலையை உறுதிப்படுத்தி, இலங்கை நிறுவனங்களை முன்பை விட அதிக செயல்திறன், பாதுகாப்பு, மற்றும் இணைப்புடன் செயல்பட உதவுகிறது.