இலங்கையின் சிறு மற்றும் நடுத்தர அளவிலான ஆடை நிறுவனங்களில் நம்பிக்கையை வலுப்படுத்துவது எல்லா வகையிலும் சிறந்த விடயம்

ஒன்றிணைந்தஆடைசங்கங்கள்மன்றம்(JAAF)மூலம்

மைக்ரோ, சிறு மற்றும் நடுத்தர நிறுவனங்கள் (MSMEs) எந்தவொரு பொருளாதாரத்திற்கும் முதுகெலும்பாக இருக்கின்றன, இலங்கைக்கும் அதேபோல்தான். மைக்ரோ, சிறு, மற்றும் நடுத்தர தொழில் நிறுவனங்கள் (SME) இலங்கையின் பொருளாதாரத்தில் முக்கியமான பங்களிப்பாளராக உள்ளன, இது பொருளாதாரத்தில் முக்கியமான துறையான இலங்கை ஆடைத் துறையை முன்னிலைப்படுத்துகிறது. ஒட்டுமொத்தமாக, இலங்கையின் ஆடைத் தொழில் இலங்கையின் ஏற்றுமதி மற்றும் அந்நியச் செலாவணி வருவாயில் சுமார் 48% பங்களிப்பு செய்கிறது. மேலும், ஆடைத் தொழில் 84 பில்லியன் அமெரிக்க டாலர்கள் அல்லது இலங்கையின் மொத்த உள்நாட்டு உற்பத்தியில் (GDP) 7% பங்களிக்கிறது. மேலும், இந்தத் துறை நாட்டின் தொழில் துறையில் உள்ள அனைத்து வேலைவாய்ப்புகளிலும் சுமார் 15%ஐக் குறிக்கிறது. அந்த 350,000 வேலை வாய்ப்புக்களில் 20,000 ஆடைத் தொழிலில் உள்ள சிறு மற்றும் நடுத்தர நிறுவனங்களிலாகும். இலங்கையின் மொத்த ஏற்றுமதி வருவாயில் சுமார் பாதி பங்களிப்பை வழங்கும் இந்த 350,000 வேலை வாய்ப்புக்களைக் கருத்தில் கொண்டு, இலங்கை ஆடைத் துறையும் அதனைப் பிரதிநிதித்துவப்படுத்தும் சிறு மற்றும் நடுத்தர தொழில் துறையும் பொருளாதார ரீதியாக முக்கிய பங்கு வகிக்கிறது என்பது தெளிவாகிறது.

கீழ் மட்டத்திலுள்ள இடையூறுகள்

“நாட்டில் மற்றும் ஆடைத் தொழிலில் உள்ள பல பெரிய நிறுவனங்கள் ஆரம்பத்தில் சிறு மற்றும் நடுத்தர நிறுவனங்களாகத் தங்கள் வணிகங்களைத் தொடங்கின.’ என முன்னணி ஆடை உற்பத்தி நிறுவனமான சரசவி எக்ஸ்போர்ட்ஸின் தலைவர் / முகாமைத்துவப் பணிப்பாளருமான ஹேமந்த பெரேரா தெரிவித்தார். பல தடைகள் மற்றும் சவால்கள் இருந்தபோதிலும், சிறிய மற்றும் நடுத்தர நிறுவனங்கள் (SMEs) இலங்கையின் ஆடைத் தொழிலின் தொடர்ச்சியான வளர்ச்சிக்கு இன்றியமையாத காரணியாக மாறியுள்ளன, மேலும் தொழில்துறையிலிருந்து அதிகம் எதிர்பார்க்காமல் அவர்களால் அத்தகைய முக்கிய பங்கை தொடர்ந்து செய்ய முடிந்துள்ளது.”

இருப்பினும், கொவிட்-19 தொற்றுநோய் ஆரம்பித்தவுடன், பல சிறிய மற்றும் நடுத்தர அளவிலான ஆடை தொழில்முனைவோரின் அன்றாட நடவடிக்கைகள் கடுமையாக பாதிக்கப்பட்டன. அவர்கள் தங்கள் வர்த்தகங்களை மீண்டும் கட்டமைக்க திட்டமிட்ட முறைமையொன்றை பெற்றுக் கொடுக்க வேண்டுமென அவர்கள் கோருகின்றனர். அவர்களுக்கு இருக்கும் மிகப்பெரிய தடையானது SME துறையின் தற்போதுள்ள வியூகமாகும்.

80% சிறு மற்றும் நடுத்தர நிறுவனங்கள் (SMEs) பெரிய ஏற்றுமதி நிறுவனங்களுடன் இணைந்து தங்கள் வணிகங்களுக்கான ஆர்டர்களை வழங்குகின்றன. இலங்கையில் ஆடைத் தொழில் தடையில்லாமல் தொடர்ந்தாலும், ஆடைகளுக்கான ஆர்டர்கள் குறைவதால் தேவைப்படும்போது பெரிய நிறுவனங்களின் உற்பத்தித் திறனை அதிகரிக்க இந்தத் துறைக்கு வாய்ப்பு கிடைத்துள்ளது.

‘சிறிய மற்றும் நடுத்தர நிறுவன ஆடைத் துறை எப்போதும் போதுமான ஆர்டர்களைப் பெறுவதில்லை. சராசரியாக, ஒவ்வொரு ஆண்டும் சுமார் 3 மாதங்கள் ஆர்டர்கள் குறையும் என்று எதிர்பார்க்கிறோம். அந்த நேரத்தில், சிறு மற்றும் நடுத்தர நிறுவனங்களின் உற்பத்தி நடவடிக்கைகள் பெரும்பாலும் செயலற்றதாக இருந்தன.’ என இலங்கையின் நடுத்தர அளவிலான ஆடை வர்த்தகமான ஸ்டிலோ ஆடைத் தொழிற்சாலையின் முகாமைத்துவப் பணிப்பாளர் ரத்ன திசேரா தெரிவித்தார்.

வர்த்தக புனர்நிர்மாணத்திற்கான நிதி

கொவிட்-19 தொற்றுநோய் ஆரம்பித்தவுடன், உலகெங்கிலும் உள்ள ஆடை உற்பத்தியாளர்கள் ஆர்டர்கள் ரத்து செய்யப்பட்டதால் கடுமையான சிரமங்களை எதிர்கொண்டனர். இதன் விளைவாக, சிறு மற்றும் நடுத்தர அளவிலான ஆடை வணிகங்கள் எல்லா இடங்களிலும் நாளுக்கு நாள் பாதிப்படைந்து வருகின்றன. சிறிய மற்றும் நடுத்தர அளவிலான ஆடை வணிகங்களை மீண்டும் ஆரம்பிப்பதற்கான பாதுகாப்பான உத்திகளைக் கண்டுபிடிப்பதற்கு மேலதிகமாக, வணிகத்தை மீண்டும் தொடங்க நிதி மூலதனத்தை திறட்டுவது குறித்து சிந்திக்க வேண்டியுள்ளது.

‘வியாபாரம் செழித்து வளரும் போது கூட, செயல்பாட்டு மூலதனத்தைக் கண்டுபிடிப்பது ஒரு சவாலாகும், அதைச் சமாளிக்க எங்களுக்கு சில ஆதரவு தேவை. ஒரு தொழிலைத் தொடங்க யாருக்கு விரைவாக உழைக்கும் மூலதனம் தேவை என்பதை சரியாகக் கண்டறிவது எங்கள் அனைவருக்கும் முக்கியமானது. கூடுதலாக, வணிகங்கள் தடையின்றி பாதுகாப்பாக இயங்குவதை உறுதி செய்ய வேண்டும்.’ என சன் க்வின் ஆடைத் தொழிற்சாலையின் பணிப்பாளர் ருஷான் பெரேரா தெரிவித்தார்.

சிறிய மற்றும் நடுத்தர அளவிலான ஆடை வணிகத்தின் திறனை பாதுகாப்பாக அதிகரிக்க தடுப்பூசி அவசியம்

பல சிறிய மற்றும் நடுத்தர அளவிலான ஆடை வணிகங்கள் இந்த நிலைமை பல மாதங்களுக்கு தொடரும் என்று எதிர்பார்க்கின்றன. அவர்கள் அனைவருக்கும் கொவிட் மூன்றாவது அலைக்கான தீவிர சாத்தியம் குறித்த அச்சம் உள்ளது. சிறிய மற்றும் நடுத்தர ஆடை வணிக உரிமையாளர்கள் மற்றும் பணியாளர்கள் தங்கள் சுய பாதுகாப்பை மேம்படுத்தி எவ்வாறு ஆடை உற்பத்தித் தொழிலை மேற்கொள்வது என்பது தொடர்பில் அக்கறை கொண்டுள்ளனர். தடுப்பூசி என்று வரும்போது, இது ஒரு பெரிய தடையாக இருக்கிறது மற்றும் புவியியல் ரீதியாக பெரிய பகுதியில் இதைச் செய்வது சவாலாக இருக்கின்ற போதிலும் சிறிய மற்றும் நடுத்தர அளவிலான ஆடைத் தொழிலின் எதிர்காலத்திற்கு தடுப்பூசி மட்டுமே தீர்வு என்பது பரவலாக ஏற்றுக்கொள்ளப்பட்ட விடயமாகும்.

“எங்கள் உறுப்பினர்களில் 20,000க்கும் மேற்பட்டோர் வேலை செய்கிறார்கள், அவர்களில் 90%க்கும் அதிகமானோருக்கு தடுப்பூசி போடப்பட்டுள்ளது. எவ்வாறாயினும், எங்கள் சங்கத்திற்கு வெளியே உள்ள பல சிறிய மற்றும் நடுத்தர அளவிலான ஆடை தொழில்முனைவோருக்கும் கொவிட் தடுப்பூசி வழங்கப்பட வேண்டும். வேலைக்குச் செல்வதற்கு இது அவர்களுக்கு மிகுந்த நம்பிக்கையைத் தரும்.” என இலங்கை ஆடை ஏற்றுமதியாளர் மன்றத்தின் செயலாளர் ரோஷன் டி சில்வா தெரிவித்துள்ளார்.

முன்னேற்றம் : கீழ்மட்ட ஆதரவு

இதுதொடர்பாக இலங்கை ஒன்றிணைந்த ஆடை சங்கம் (JAAF) பாதுகாப்பான முறைமை குறித்து சிறந்த திட்டமொன்றை பகிர்ந்து கொள்வதற்கு ததமது உறுப்பினர்களுடன் நடைமுறைப்படுத்துவதுடன் சிறிய மற்றும் நடுத்தர அளவிலான ஆடைத் வணிக துறையிலுள்ள தொழிலாளர்களுக்கு துரிதமான தடுப்பூசி ஏற்றுவதற்காக பொது சுகாதார அதிகாரிகள் மற்றும் அரசுடன் இணைந்து செயற்பட துரித நடவடிக்கை எடுத்துள்ளது.

“அடுத்த கட்டமாக, தொழிலாளர்களின் குடும்ப உறுப்பினர்களுக்கு தடுப்பூசி வழங்குவது பற்றி நாம் சிந்திக்க வேண்டும். ஒரு குடும்ப உறுப்பினர் காரணமாக ஒரு ஊழியர் பாதிக்கப்பட்டு வீட்டிலேயே தங்கியிருப்பது அல்லது தேவையில்லாமல் கவலைப்படுவதை நாங்கள் எதிர்பார்க்கவில்லை. நாம் மீண்டுமொருமுறை நீண்டகால நெருக்கடியை எதிர்கொண்டால், நாம் மீண்டும் எழுந்து நிற்பது மிகவும் கடினம்.” என ரெயின்போ ஆடைத் தொழிற்சாலையின் பிரதான நடவடிக்கைகள் அதிகாரி டென்வர் ஜயசுந்தர தெரிவித்தார்.

GSP+ முன்னுரிமை வரி நிவாரணத்தைப் பெறுவது நாட்டில் உள்ள பல சிறு மற்றும் நடுத்தர நிறுவனங்களின் மற்றொரு எதிர்பார்ப்பமாகும். இது ஐரோப்பிய ஒன்றியம் பரிந்துரைத்த நிலைத்தன்மை, தரமான தயாரிப்பு மற்றும் தரத் தேவைகளுடன் சந்தைகளில் நேரடியாக ஊடுருவிச் செல்லும். ஐரோப்பிய ஒன்றியம் GSP+ சலுகையின் தொடர்ச்சியானது அமெரிக்கா மற்றும் இங்கிலாந்து போன்ற ஒத்த GSP  திட்டங்களைக் கொண்ட சந்தைகளுக்கு ஒரு உத்தரவாதமாகும்.