புரிந்துணர்வு ஒப்பந்தத்தில் கைச்சாத்திடும் HNB Finance PLC மற்றும் HNB Assurance PLC

இலங்கையின் முன்னணி நிதி நிறுவனமான HNB Finance PLC, தனது வாடிக்கையாளர்களின் காப்புறுதித் தேவைகளை மிகவும் இலகுவாகவும் உகந்ததாகவும் பூர்த்தி செய்வதற்காக HNB Assurance PLC உடன் பிரத்தியேக புரிந்துணர்வு ஒப்பந்தம் ஒன்றில் கைச்சாத்திட்டுள்ளது.

HNB Finance மற்றும் HNB Assurance ஆகியன அண்மையில் கையொப்பமிட்ட புரிந்துணர்வு ஒப்பந்தத்தின்படி, வாடிக்கையாளர்கள் தனிப்பட்ட மற்றும் பிற பொது காப்பீட்டு சேவைகள் உட்பட நிறுவனத்தால் வழங்கப்படும் பல நன்மைகளை ஒரே கூரையின் கீழ் பெற்றுக் கொள்ள முடியும். HNB Assurance காப்பீட்டுச் சேவைப் பிரதிநிதி ஒருவர் HNB Financeன் ஒவ்வொரு கிளை அலுவலகத்திற்கும் நியமிக்கப்படுவார், எனவே வாடிக்கையாளர்கள் காப்பீட்டுச் சேவைகளை விரைவாக பெறக்கூடிய சிறந்த வாடிக்கையாளர் அனுபவத்தைப் பெறுவார்கள்.

“எங்கள் வாடிக்கையாளர் அனுபவத்தின் தரத்தை மேம்படுத்த பல்வேறு நிறுவனங்களுடன் மிகவும் பயனுள்ள ஒத்துழைப்புகளை அடைய நாங்கள் தொடர்ந்து பணியாற்றி வருகிறோம். HNB Assurance உடனான இந்த புரிந்துணர்வு ஒப்பந்தத்தின்படி, இலங்கையின் மிகப் பெரிய நிதிச் சேவைக் குழுவான HNB குழுமத்தின் பலம் மற்றும் பல தனித்துவமான நன்மைகள் எமது வாடிக்கையாளர்களுக்குக் கிடைக்கும் என்று கூற வேண்டும்.” என HNB Finance PLCஇன் முகாமைத்துவப் பணிப்பாளரும் பிரதம நிறைவேற்று அதிகாரியுமான  சமிந்த பிரபாத் தெரிவித்தார்.

இந்த புரிந்துணர்வு ஒப்பந்தம் குறித்து கருத்து தெரிவிக்கும் HNB Assurance PLCஇன் பிரதம நிறைவேற்று அதிகாரி லசித விமலரத்ன, “குழுவில் உள்ள மற்றுமொரு வலுவான நிறுவனத்துடன் இணைந்து வாடிக்கையாளர்களின் தேவைகளைப் பூர்த்தி செய்யும் எங்கள் காப்புறுதி சேவைகளை பரந்த அளவிலான வாடிக்கையாளர்களுக்கு வழங்குவதில் நாங்கள் மிகவும் மகிழ்ச்சியடைகிறோம். மேலும் இணையற்ற வாடிக்கையாளர் அனுபவத்தை வழங்குவது எங்கள் வணிக உத்திகளில் முன்னணியில் இருப்பதால், HNB Finance வாடிக்கையாளர்கள் இந்த கூட்டாண்மையின் அதிகபட்ச பலன்களைப் பெற முடியும்.” என தெரிவித்தார்.

HNB FINANCE

2000ஆம் ஆண்டு நிறுவப்பட்ட, HNB FINANCE PLC என்பது இலங்கை மத்திய வங்கியின் நாணயச் சபையில் பதிவுசெய்யப்பட்ட உரிமம் பெற்ற நிதி நிறுவனமாகும். HNB FINANCE PLC நாடு முழுவதும் 77 கிளைகளைக் கொண்டுள்ளது, SME லீசிங் சேவைகள், தங்கக் கடன் சேவைகள், வீட்டுக் கடன்கள், தனிநபர் கடன்கள், கல்விக் கடன்கள், சேமிப்புகள் மற்றும் நிலையான வைப்பு வசதிகள் போன்ற நிதிச் சேவைகளை வழங்குகிறது. HNB FINANCEஆனது Fitch மதிப்பீட்டில் தேசிய நீண்ட கால ‘A (lka) கிரெடிட் மதிப்பீட்டைக் கொண்டுள்ளது மற்றும் சிறந்த வேலைக்கான சான்றிதழிலும் பிராண்ட் நிதி தரவரிசையிலும் இலங்கையின் சிறந்த 100 வர்த்தகநாமங்களில் 57வது இடத்தைப் பெற்றுள்ளது.