இலங்கை வாடிக்கையாளர்களின் நம்பிக்கையை பெரிதும் வென்றுள்ள லோட்டஸ் டயர்களை உற்பத்தி செய்து விநியோகித்து வரும் சேம்சன் இறப்பர் கைத்தொழில் நிறுவனம் தமது பெறுமதிமிக்க விற்பனை முகவர்களையும் அவர்களின் குடும்ப அங்கத்தவர்களையும் பாராட்டி கௌரவிக்கும் முகமாக பேங்காக் நாட்டுக்கான சுற்றுலா பயணமொன்றையும் RIU – Ahungalle ஹோட்டலில் சொகுசு வசதிகளுடன் விடுமுறையை கழிப்பதற்கான வாய்ப்பையும் வழங்கியுள்ளது. அதன் போது விற்பனை இலக்குகளை சிறப்பாக பூர்த்தி செய்த விற்பனை முகவர்களுக்கு பேங்காக் நாட்டுக்கு சுற்றுலா செல்வதற்கும் விற்பனை இலக்குகளை பூர்த்தி இதர விற்பனை முகவர்களுக்கும் அவர்களின் குடும்ப அங்கத்தவர்களுக்கும் RIU – Ahungalle ஹோட்டலில் இரண்டு நாட்கள் சொகுசு வசதிகளுடன் சுதந்திரமாக தங்கியிருப்பதற்கும் வாய்ப்பளிக்கப்பட்டுள்ளது.
இதற்கு முன்னரும் பேங்காக் சவாரி மற்றும் ஐந்து நட்சத்திர ஹோட்டல்களில் தங்கி பொழுதை கழிப்பதற்கான வாய்ப்புகளை வழங்கியுள்ள லோட்டஸ் நிறுவனம் தொடர்ச்சியாக முன்னெடுத்து வரும் மேற்படி ஊக்குவிப்பு திட்டம் தொடர்பாக லோட்டஸ் டயர் முகவர்கள் மத்தியில் ஏகோபித்த வரவேற்பு காணப்படுகிறது. கடந்த வருடத்திலும் விற்பனை இலக்குகளை எட்டிய விற்பனை முகவர்களுக்காக ஏற்பாடு செய்யப்பட்ட விற்பனை ஊக்குவிப்பு திட்டங்களில் வெற்றி பெற்றவர்களுக்கு இந்த அரிய வாய்ப்பு வழங்கப்பட்டது. இந் நிகழ்வில் சேம்சன் இறப்பர் கைத்தொழில் நிறுவனத்தின் நிருவாகத்தினரும் லோட்டஸ் டயர் விற்பனை மற்றும் சந்தைப்படுத்தல் குழுவினரும் கலந்துகொண்டனர். “லோட்டஸ் டயர் நிறுவனம் தொடர்ந்தும் தமது விற்பனை முகவர்களை பாராட்டி கௌரவித்து வருகிறது. அதன் உண்மையான நோக்கம் எம்மிடையே காணப்படும் உறவினை மேலும் வலுவூட்டுவதன் மூலம் வாடிக்கையாளர்களுக்கு சிறந்த உற்பத்திகளை வழங்குவதாகும்” என லோட்டஸ் டயர் நிறுவனத்தின் வர்த்தக முகாமையாளர் தெரிவித்தார். “சரியான விலைக்கு…. சரியான தூரம்” எனும் தொனிப்பொருளின் ஊடாக நாடெங்கிலுமுள்ள வாடிக்கையாளர்களுக்கு சேவையாற்றி வரும் லோட்டஸ் டயர் நிறுவனம் வாடிக்கையாளர்களின் நம்பிக்கையை பெரிதும் வென்றதொரு வர்த்தகநாமமாகும். கொடுக்கும் தொகைக்கு அதிகபட்ச நியாயத்தை பெற்றுத் தந்து வாடிக்கையாளர்களின் பாதுகாப்பை உறுதிப்படுத்தும் உயர் தரத்திலான லோட்டஸ் டயர் நிறுவனம் சைக்கிள் டயர் மற்றும் டியூப், மோட்டார் சைக்கிள் டயர் மற்றும் டியூப், முச்சக்கர வண்டி டயர் மற்றும் டியூப் போன்ற பல்வேறு உற்பத்திகளை தன்னகத்தே கொண்டுள்ளது.
