පීපල්ස් ලීසිං සමාගමේ ගිරිඋල්ල ශාඛාව ගිරිඋල්ල කොළඹ පාරේ පිහිටි සමන් විලාසිතා ගොඩනැගිල්ලේ නව ශාඛා පරිශ්‍රයකට පිවිසිම පසුගියදා සිදුවිය. එම ගිරිඋල්ල නව ශාඛාව විවාතකිරිම පීපල්ස් ලීසිං ඇන්ඩ් ෆිනෑන්ස් පීඑල්සී හි ප්‍රධාන විධායක නිලධාරී/සාමාන්‍යාධිකාරී ෂමින්ද්‍ර මර්සිලින් මහතා අතින් සිදු කෙරුණි.
ගිරිඋල්ල ශාඛාව එම ප්‍රදේශයේ පාරිභෝගිකයින්ට ගුණාත්මක සේවාවක් ලබාදෙමින් සුළු සහ මධ්‍ය පරිමාණ ගනුදෙනුකරුවන්ට පහසු ප්‍රවේශයක් ලබා දෙන්නකි.
පීපල්ස් ලීසිං සමාගම සිය වටිනා ගනුදෙනුකරුවන්ට උපරිම බැංකු නොවන මූල්‍ය සේවා අත්දැකීමක් ලබාදීමේ දැක්මක් ඇතිව ක්‍රියාත්මක වන අතර මූල්‍ය ක්ෂේත්‍රයේ නව මිණුම් ලකුණක් තැබීම සඳහා නව තාක්ෂණය, නව්‍ය පහසුකම් සහ සේවාවන් සමඟ ශීඝ්‍රයෙන් දියුණු වෙමින් පවතින්නකි. එහෙයින් පීපල්ස් ලීසිං සමාගම සිය වටිනා ගනුදෙනුකරුවන්ට නව පරිශ්‍රයට පිවිස උසස් මුල්‍ය අත්දැකීමක් ලබාගන්නා ලෙසින් ඇරයුම් කෙරේ.
පීපල්ස් ලීසිං සමාගම යනු ශ්‍රී ලංකාවේ ප්‍රමුඛ පෙළේ බැංකු නොවන මූල්‍ය ආයතනයක් වන අතර රටෙහි විශාලතම රාජ්‍ය බැංකුවක් වන මහජන බැංකුවට අනුබද්ධිත මුල්‍ය ආයතනයකි. විශේෂිත ලීසිං සමාගමක් ලෙස 1996 දී මෙහෙයුම් කටයුතු ආරම්භ කළ පීපල්ස් ලීසිං සමාගම 2011 වසරේ කොළඹ කොටස් වෙළෙඳපොළේ ලැයිස්තුගත විය. පීපල්ස් ලීසිං සමාගම බංග්ලාදේශයේ විදේශීය ව්‍යාපාරයක් ඇතුළුව අනුබද්ධිත ක්ෂේත්‍ර හයක් සමඟ විවිධාංගීකරණය වූ බැංකු නොවන මූල්‍ය බලවතෙක් දක්වා වර්ධනය වී ඇත.
