මෙවර අලුත් අවුරුදු සමය වෙනුවෙන් නේෂන්ස් ට්‍රස්ට් බැංකුවේ ඇමරිකන් එක්ස්ප්‍රස් වෙතින් ‘Experience Life Together This Avurudu’ නමින් විශේෂ ප්‍රවර්ධන වැඩසටහනක් හඳුන්වා දී ඇත. අලුත් අවුරුද්දේ නෑදෑ හිතමිතුරන් බැහැදැකීම, තෑගිබෝග හුවමාරු කරගැනීම සහ විනෝද සංචාර වල යෙදීම වැනි කටයුතු වල යෙදෙන කාටත් මෙම ප්‍රවර්ධන වැඩසටහන ඔස්සේ හිමි වන දීමනා බෙහෙවින් ප්‍රයෝජනවත් වනු ඇත.
මෙම වැඩසටහන යටතේ නේෂන්ස් ට්‍රස්ට් බැංකුවේ ඇමරිකන් එක්ස්ප්‍රස් කාඩ්පත් හිමියන්ට පාරිභෝගික භාණ්ඩ, ග්‍රොසරි භාණ්ඩ, ඇඳුම් පැළඳුම්, ආපනශාලා, හෝටල්, විනෝදාස්වාද සේවා, ගෘහභාණ්ඩ හා ගෘහ උපකරණ සහ ඉලෙක්ට්‍රොනික භාණ්ඩ ඇතුළු භාණ්ඩ හා සේවා රාශියක් සඳහා සුවිශේෂී ඉතුරුම් හා දීමනා හිමි වේ.
“අලුත් අවුරුද්ද යනු ශ්‍රී ලාංකිකයන්ට අතිශයින් වැදගත් උත්සව සමයක්. එය පවුලේ සැමටත්, නෑදෑ හිතමිතුරන්ටත් එකට එක්වී සතුටු වීමට අවස්ථාවක් ලබාදෙනවා. ඒ සතුට දෙගුණ තෙගුණ කිරීම සඳහා නේෂන්ස් ට්‍රස්ට් බැංකුවේ ඇමරිකන් එක්ස්ප්‍රස් කාඩ්පත් ඔස්සේ මෙවැනි ප්‍රවර්ධන වැඩසටහනක් හඳුන්වා දීමට හැකිවීම අපට මහත් සතුටක්. මේ අගනා අවස්ථාවෙන් උපරිම ප්‍රයෝජන ලබාගන්නා මෙන් මා අපගේ කාඩ්පත් හිමියන්ට ආරාධනා කරනවා.” නේෂන්ස් ට්‍රස්ට් බැංකුවේ කාඩ්පත් ප්‍රධානී නිලූක ගුණතිලක මහතා පැවසී ය.
‘Experience Life Together This Avurudu’ වැඩසටහන පිළිබඳ තොරතුරු මෙන්ම, නේෂන්ස් ට්‍රස්ට් බැංකුවේ ඇමරිකන් එක්ස්ප්‍රස් කාඩ්පත් සහ එමගින් ලැබෙන ප්‍රතිලාභ හා දීමනා පිළිබඳ වැඩිදුර තොරතුරු සඳහා www.americanexpress.lkට පිවිසෙන්න.
උත්සව සමයේ ගමන් බිමන් ඇතුළු සියලු කටයුතු වලදී සෑම විටම ආරක්ෂාව පිළිබඳ සැලකිලිමත් වන ලෙසත්, රජය හා සෞඛ්‍ය බලධාරීන් මෙන්ම අදාළ සේවා සම්පාදකයන් හඳුන්වා දී ඇති සෞඛ්‍ය විධිවිධාන සියල්ල නිවැරදිව පිළිපදින ලෙසත් නේෂන්ස් ට්‍රස්ට් බැංකුව සිය ගනුදෙනුකරුවන් ඇතුළු සියලුම දෙනාගෙන් කාරුණිකව ඉල්ලා සිටී.
නේෂන්ස් ට්‍රස්ට් බැංකුව පිළිබඳව
Business Today සඟරාව මගින් නේෂන්ස් ට්‍රස්ට් බැංකුව මෙරට විශිෂ්ටතම ව්‍යාපාරික ආයතන 15 අතරට නම් කර තිබේ. පුළුල් පරාසයක පැතිරුණු පාරිභෝගික අවශ්‍යතාවන්ට ගැලපෙන තිරසාර මුල්‍ය සේවාවන් හා විසඳුම් රැසක් හඳුන්වාදී ඇති නේෂන්ස් ට්‍රස්ට් බැංකුව, පාරිභෝගික සේවාව සම්බන්ධයෙන් ද විශාල ප්‍රසාදයක් දිනා සිටී. දිගුකළ බැංකු කාලය ආදී පාරිභෝගික කේන්ද්‍රී බැංකු සේවා රැසක් පළමු වරට හඳුන්වා දීමට ද නේෂන්ස් ට්‍රස්ට් බැංකුව මුල්විය. එමෙන්ම ශ්‍රී ලංකාවේ ප්‍රථම පූර්ණ ඩිජිටල්කරණ බැංකු අත්දැකීම වන FriMi හඳුන්වාදෙන ලද්දේ ද නේෂන්ස් ට්‍රස්ට් බැංකුව විසිනි. එමෙන්ම තම කාඩ්පත් හිමියන්ට විශිෂ්ට වටිනාකමක්, සේවාවක් හා සබඳතාවක් නිර්මාණය කරදෙමින් ශ්‍රී ලංකාව තුළ ඇමෙරිකන් එක්ස්ප්‍රස් කාඩ්පත් නිකුත් කිරීමේ පූර්ණ බලය ද නේෂන්ස් ට්‍රස්ට් බැංකුව සතු වේ. මේ වනවිට දිවයින පුරා නේෂන්ස් ට්‍රස්ට් බැංකු ශාඛා 96ක් විවෘත කර ඇති අතර, ATM යන්ත්‍ර 127ක් ද ස්ථාපිත කර ඇත. ඊට අමතරව මේ වනවිට බැංකුව මුදල් තැන්පත් කිරීමේ හා ආපසු ගැනීමේ යන්ත්‍ර 48ක් ද ස්ථාපිත කර ඇති අතර, Lanka Pay ජාලය ඔස්සේ තවත් ATM යන්ත්‍ර 3,700කට අධික සංඛ්‍යාවක් සමඟ සම්බන්ධ වී සිටී.
