METAP කලාපය (මැද පෙරදිග, තුර්කිය, අප්‍රිකාව, පාකිස්ථානය හා දකුණු ආසියාව) තුළ නිර්මාණාත්මක ප්‍රවර්ධන ව්‍යාපාරයන් ඇගයීම වෙනුවෙන් සංවිධානය කරනු ලබන TikTok Ad Award සම්මාන උළෙල 2025 දෙසැම්බර් මසදී සෞදි අරාබියේ රියාද් නගරයේදී පැවැත්වීමට කටයුතු යොදා ඇත. මෙහිදී එම කලාපය තුළ පරිශීලකයින් හා දැන්වීම්කරණ ආයතන විසින් ඉදිරිපත් කරන ලද සුවිශේෂී වෙළෙඳ දැන්වීම් ඇගයීමට ලක් කරමින් සම්මාන ප්‍රදානය කිරීමට නියමිතය.
මෙහි පළමු සම්මාන ප්‍රදානෝත්සවය පසුගිය වසරේදී පැවැත්වුණු අතර එහිදී සිය නිර්මාණාත්මක බව වෙනුවෙන් ආයතන හා නිර්මාණකරුවන් රැසක් සම්මාන දිනා ගත්තේය. එහි සාර්ථකත්වය මත පදනම්ව මෙම වසරේ සම්මාන උළෙල සංවිධානය කිරීමට කටයුතු කර ඇත්තේ නිර්මාණශීල්පීන්ගේ සුවිශේෂී හැකියාවන්, නවෝත්පාදන හා සිය නිර්මාණ තුලින් ඇති කර ඇති බලපෑම හඳුන්වා ගනිමින් ඔවුන් වෙත සම්මාන හා ත්‍යාග ප්‍රදානය කිරීම වෙනුවෙනි.
අගෝස්තු 18 වන දින සිට මේ සඳහා වන නිර්මාණ ඉදිරිපත් කිරීමට අවස්ථාව උදා කර දී ඇති අතර ඒ සඳහා ශ්‍රී ලංකාව, බංග්ලාදේශය, පාකිස්ථානය, සෞදි අරාබිය, එක්සත් අරාබි එමීර් රාජ්‍යය, කටාර්, ලෙබනනය, ඉරාකය, ඊජිප්තුව, තුර්කිය, මොරොක්කෝව, කෙන්යාව, නයිජීරියාව, දකුණු අප්‍රිකාව, කසකස්ථානය, අසර්බයිජානය සහ සයිප්‍රස් යන රටවල නිර්මාණශිල්පීන්ට සහ ආයතනයන්ට සිය නිර්මාණ ඉදිරිපත් කළ හැකිය. ඒ සඳහා සුදුසුකම් ලබා ගැනීමට නම් 2024 අගෝස්තු 01 දින සිට 2025 ඔක්තෝබර් 31 දක්වා කාලය තුළ TikTok හි ක්‍රියාකාරීව සිටීම අනිවාර්ය වේ.
මෙහිදී ප්‍රධාන කාණ්ඩ 9ක් යටතේ ත්‍යාග ප්‍රදානයන් සිදු වනු ඇත. ඒවා නම්,
1. It’s the Creative for Me – TikTok හි පමණක් පළ කරනු ලැබූ වඩාත් නිර්මාණාත්මක හා වැඩි පරිශීකයින් පිරිසක් ආකර්ෂණය කරගත් නිර්මාණශීලී අදහස
2. Community Core – සබඳතාව හා බලපෑම වෙනුවෙන් නිර්මාණ ශිල්පීන් හා ප්‍රජාව විසින් මෙහෙයවනු ලබන සුවිශේෂී හවුල්කාරීත්වයන් ඇගයීම
3 Full Funnel Flex – සම්පූර්ණ අලෙවිකරණය හරහා මනා ප්‍රතිඵලයක් ගෙන එනු ලබන ඒකාබද්ධ උපාය මාර්ග ඇගයීම
4. Big Branding Energy – සුවිශේෂී වෙළෙඳනාමයන් නැවත ඉහළට ගැනීම සඳහා සිදු කළ නිර්මාණශීලී කතා සහ උපාය මාර්ගයන් ඇගයීම
5. Goal Digger – පරිවර්තනයේ සිට විකුණුම් දක්වා අවම කාර්යසාධනයක් තුලින් විශිෂ්ටත්වයට පත් ව්‍යාපාරය
6. Bougie on a Budget – නවීන නිෂ්පාදන වියදම් භාවිත කරමින් ඉහළම බලපෑමක් ඇති කළ ව්‍යාපාරය
7. Sound On Please – සංගීතය, හඬ හෝ ප්‍රයෝග නැවුම් හා අමතක නොවන ආකාරයෙන් භාවිත කරමින් කතා ඉදිරිපත් කිරීම කේන්ද්‍ර කොට ගත් ව්‍යාපාරය
8. The People’s Choice – හොඳම ව්‍යාපාරය වෙනුවෙන් උත්සවයේදී සිදු කරනු ලබන මනාප ලබා දීම තුළින් ජයගන්නා ව්‍යාපාරය
මීට අමතරව නිර්මාණාත්මක විශිෂ්ටත්වය, කාර්යක්ෂමතාව, අරමුණු සාක්ෂාත්කර ගැනීම ප්‍රදර්ශනය කරනු ලබන හොඳම නිර්මාණ ව්‍යාපාරය සඳහා වන The Greatest Of All Time (The G.O.A.T) සම්මානයද මෙහිදී පිරිනැමීමට නියමිතය.
මෙම සියලු සම්මානයන් තුලින් නිර්මාණශීලීත්වය හා නව ප්‍රවණතා උපයෝගී කරගනිමින් දියත් කරනු ලැබු විශිෂ්ට ව්‍යාපාරයන් ඇගයීමට ලක් වනු ඇති අතර මේ සඳහා ඉහත දැක්වූ මුල් ප්‍රධාන කාණ්ඩ යටතේ ඕනෑම නිර්මාණකරුවකුට හෝ ආයතනකට අයදුම් කළ හැකි අතර ඒ සඳහා තෝරා ගනු ලබන සියලු අයදුම්පත් G.O.A.T වෙතද සුදුසුකම් ලබයි.
මේ සඳහා වන අයදුම්පත් 2025 ඔක්තෝබර් 31 දිනට පෙර යොමු කළ යුතුය.
මේ සම්බන්ධයෙන් අදහස් දැක්වූල TikTok හි මැදපෙරදිග, තුර්කි, අප්‍රිකා, මධ්‍යම හා දකුණු ආසියා කලාපයේ ගෝලීය ව්‍යාපාර විසඳුම් සාමාන්‍යාධිකාරී Shadi Kandil මහතා සඳහන් කර සිටියේ “ පසුගිය වසරේ ඉතා විශිෂ්ට නිර්මාණශීලී ව්‍යාපාරයන් දැකගැනීමටත් ඒවා ඇගයීමටත් අපට හැකියාව උදා වුණා. 2025 වසරේ රියාද්හි පැවැත්වීමට නියමිත TikTok Ad Awards හිදී එය තව දුරටත් ඉදිරියට ගෙන යාමට අපි බලාපොරොත්තු වුණා. වෙළෙඳ දැන්වීම්වලින් ඔබ්බට යමින් සංස්කෘතික අවස්ථා නිර්මාණය කිරීම, රසාස්වාදය හා ආකර්ෂණය තුලින් ව්‍යාපාරයන් වර්ධනය කරමින් නිර්මාණාත්මක බවෙහි විශිෂ්ටත්වය තුලින් අත්කරගත් සාර්ථකත්වය ඇගයීමට මෙහිදී කටයුතු කරනවා. ඒ වගේම මෙම වසරේදී වෙළෙඳ නාම සහ ආයතන විසින් ප්‍රදර්ශනය කරනු ලබන නව්‍ය හා විශිෂ්ට කාර්ය සාධනය හා නිර්මාණශීලීත්වය දැකගනිමින් ඔවුන් ඇගයීමට ලක් කිරීමට අරමුණු කොට ගෙන තිබෙනවා.” යනුවෙනි.මේ පිළිබඳව සම්පූර්ණ තොරතුරු දැන ගැනීම සඳහා සහ ඇතුළත්වීම් සඳහා වෙත https://tiktokadawardsmetapee.com/2025 පිවිසෙන්න. රියාද්හිදී පැවැත්වෙන ප්‍රදානෝත්සවයේදී සියලු ජයග්‍රාහකයින් වෙත සම්මාන හා ත්‍යාග පිරිනැමෙනු ඇති අතර TikTok Ad Awards හි METAP 2025 පිළිබඳව දැන ගැනීමට https://tiktokadawardsmetapee.com/2025 වෙත පිවිසෙන්න.
