ඡායාරූපකරණය සඳහා උනන්දුවක් දක්වන උතුරු පලාතේ ජනතාවට වඩාත් ඉහළ ගුණාත්මක තත්ත්වයේ කැමරා ආම්පන්න පහසුවෙන් මිලදී ගැනීමේ අවස්ථාව උදාකර දීමේ අරමුණ පෙරදැරිව ශ්‍රී ලංකාවේ විශාලතම කැමරා ආම්පන්න අලෙවි සමාගම වන CameraLK විසින් සිය තුන්වන ශාඛාව යාපනය නගරයේ දී සුබ මොහොතින් විවෘත කරන ලදී. මෙම නව යාපනය ශාඛාව දියත් කිරීම CameraLK හි, ශ්‍රි ලංකාව පුරා පුළුල් පාරිභෝගික ප්‍රජාවක් නිර්මාණය කරමින් ඡායාරූපකරණයේ ගුණාත්මක අගය ඉහළ නැංවීමේ උපායමාර්ගික එළඹුඹේ තවත් එක් සන්ධිස්ථානයකි.
යාපනයේ නව ශාඛාව Sony ආයතනයේ RMDC විකුණුම් ප්‍රධානී Stanley Tan, Sony ආයතනයේ RMDC DI අලෙවි ප්‍රධානී Karan Sum සහ CameraLK හී කළමනාකරණ අධ්‍යක්ෂක අනුෂ්ක ගුණසිංහ මහතාගේ සුරතින් සුබ මොහොතින් විවෘත වූ අතර ආරාධිත අමුත්තන් සහ CameraLK කාර්ය මණ්ඩලය ද මෙම අවස්ථාවට සහභාගී විය.
කාර්ගිල්ස් චතුරස්‍රය, පළමු මහල, අංක 09 ස්ථානයේ පිහිටා ඇති මෙම නව අලෙවිසැල ඡායාරූපකරණ අවශ්‍යතාවයන්ට මනාව ගැළපෙන කැමරා ආම්පන්න නිරීක්ෂණය කිරීමට සහ ඒවා මිලදී ගැනීමට නවීන පහසුකම් සහිතව නිර්මාණය කර ඇත. උසස් තත්ත්වයේ DSLR කැමරා, පහසුවෙන් හැසිරවිය හැකි mirrorless කැමරා, point-and-shoot කැමරා සහ විශාල පරාසයක පැතුරුණු විවිධ කැමරා ආම්පන්න රැසක් යාපනය නව ශාඛාවේ තිබෙන අතර උතුරු පළාතේ පාරිභෝගිකයන්ට තමන්ගේ අවශ්‍යතාවට සරිලන නවීන මාදිලියේ උපකරණ රැසක් එකම තැනකින් සාධාරණ මිලකට ලබාගැනීමේ අවස්ථාව දැන් උදාවී තිබේ.
ව්‍යාපාර පුළුල් කිරීමේ මේ කාර්යභාරය පිළිබඳව අදහස් දැක්වූ CameraLK ආයතනයේ කළමනාකාර අධ්‍යක්ෂක අනුෂ්ක ගුණසිංහ මහතා,“ඇත්තටම යාපනය ප්‍රදේශයේ අපේ ශාඛාවක් විවෘත කිරීමට ලැබීම ගැන අපි ආඩම්බර වෙනවා වගේම උතුරු පලාතේ සිටින ඡායාරූපකරණයට කැමති අයට සහ ඡායාරූප ශිල්පීන්ට නවීන උපකරණ එකම තැනකින් ලබාගැනීමේ අවස්ථාව උදාකර දීමට අපට හැකියාව ලැබී තියෙනවා. මෙම නව ශාඛාව හරහා විශිෂ්ට පාරිභෝගික සේවාවක් සමග උසස් තත්ත්වයේ ලොව පිළිගත් නවීන කැමරා ආම්පන්න වඩා සාධාරණ මිලකට ලබාගැනීමේ හැකියාව ලැබෙනවා.”
විශාල පරාසයක පැතුරුණු කැමරා සන්නාම ඇතුළත් උසස් තත්ත්වයේ කැමරා සහ කැමරා ආම්පන්න වඩාත් පහසුවෙන් දැකබලා ගැනීමට මෙන්ම එකම ක්ලික් එකකින් තමන් අවශ්‍ය කැමරා ආම්පන්න අන්තර්ජාලය ඔස්සේ මිලදී ගැනීමට අවකාශය www.cameralk.com වෙබ් අඩවිය හරහා සලසා දී තිබේ. එසේම පාරිභෝගිකයන්ට 0771187870 සහ 0771397872 අංක ඔස්සේ සෘජුවම CameraLK යාපනය ශාඛාව ඇමතිය හැකි අතර තමන්ගේ ඕනෑම කැමරා අවශ්‍යතාවයක් හෝ ඇණවුම් කිරීමක් ඉතාම පහසුවෙන් සහ ඉක්මනින් ලබාගැනීමේ අවස්ථාව ද පවතී.
2010 වසරේ දී ආරම්භ වූ CameraLK ආයතනය දකුණු ආසියාවේ විශාලතම කැමරා ආම්පන්න මිලදී ගැනීමේ අලෙවිසැල වන අතර විශාලතම ඔන්ලයින් මිලදී ගැනීමේ අවකාශය ද වෙයි. ශ්‍රී ලාංකික ඡායාරූපකරණ ක්ෂේත්‍රයට අවශ්‍ය නවතම සහ හොඳම කැමරා සහ කැමරා ආම්පන්න වඩාත් සාධාරණ මිලකට ලබාදෙන ආයතනයක් ලෙස ඉහළ ජනප්‍රසාදයක් හිමි CameraLK ආයතනය ඡායාරූපකරණයේ තාක්ෂණික ගුණාත්මකභාවය වර්ධනය කරමින් ඉතා විශිෂ්ට පාරිභෝගික සේවාවක් ලබාදීමට කැපවී කටයුතු කරයි. Canon, Nikon, Sony, Sigma, Tamron, Tokina, DJI, GoPro, Profotto සහ Wescott ආදී සන්නාමයන්ගේ කැමරා සහ කැමරා ආම්පන්න 500කට වැඩි ප්‍රමාණයක් CameraLK ආයතනයේ දී ඔබට දැකබලා ගැනීමට හැකියාව පවතී. කොළඹ, නුවර ශාඛාවන් සහ ඔන්ලයින් අවකාශය හරහා ඡායාරූපකරණයේ උනන්දුව ඇති ශ්‍රි ලාංකිකයන් සෑම දෙනාට වඩාත් උසස් තාක්ෂණික උපකරණ සහ දැනුම බෙදන CameraLK ආයතනය කැමරා උපකරණ ලබාගැනීමේ දී සියලු අවශ්‍යතාවයන් සපුරන එකම ස්ථානය ලෙස පාරිභෝගිකයන් අතර ප්‍රචලිත වී තිබේ.
