புலம்பெயர்ந்த தொழிலாளர்களுக்காக ஒரு முழுமையானவங்கிச் சேவையை அறிமுகப்படுத்துகிறது HNB

Home » புலம்பெயர்ந்த தொழிலாளர்களுக்காக ஒரு முழுமையானவங்கிச் சேவையை அறிமுகப்படுத்துகிறது HNB
Share with your friend

இலங்கையின் மத்திய வங்கியின் (CBSL) உத்தியோகபூர்வ வழிநடத்தலின் கீழ் உள்நோக்கிய பணப் பரிமாற்றங்களை ஊக்குவிக்கும் உந்துதலை ஆதரித்து, இலங்கையின் முன்னணி தனியார் துறை வங்கியான HNB PLC, புலம்பெயர்ந்த தொழிலாளர்கள் மற்றும் அவர்களது குடும்பங்களுக்கு பல மதிப்புக் கூட்டல்களை வழங்குவதற்காக HNB Adhishtana கணக்கை அறிமுகப்படுத்தியது.

புலம்பெயர்ந்த தொழிலாளர்கள் மற்றும் அவர்களது குடும்பங்களின் நிதி மற்றும் சமூகத் தேவைகள் குறித்த வங்கியின் விரிவான புரிதலின் மூலம், புலம்பெயர்ந்த இலங்கையர்கள் மற்றும் அவர்களது குடும்பங்களின் நிலையான வாழ்வாதார மேம்பாடு மற்றும் நல்வாழ்வை ஆதரிக்கும் வகையில் வங்கி இந்த திட்டத்தை வடிவமைத்துள்ளது.

HNB Adhishtana தொகுப்புடன் இணைக்கப்பட்டுள்ள சேமிப்புக் கணக்கு, உலகெங்கிலும் உள்ள இலங்கையர்களுக்கு பாதுகாப்பான, வசதியான மற்றும் செலவு குறைந்த முறையில் தாயகத்தில் உள்ள தங்கள் அன்புக்குரியவர்களுக்கு நிதியை அனுப்புவதற்கான நேரடி அணுகலைப் பெற உதவுகிறது.

HNB Towerல் நடைபெற்ற HNB Adhishtana தொகுப்பின் வெளியீட்டு நிகழ்விற்கு, இலங்கை மத்ிய வங்கியின் (CBSL) ஆளுநர் அஜித் நிவார்ட் கப்ரால், HNB முகாமைத்துவ பணிப்பாளர்/பிரதம நிறைவேற்று அதிகாரி, ஜொனதன் அலஸ், CBSL உதவி ஆளுநர் டி. குமாரதுங்க, கல்வி அமைச்சின் செயலாளர் பேராசிரியர் கபில பெரேரா, அமைச்சின் மகளிர் மற்றும் சிறுவர்கள் மேம்பாடு, முன்பள்ளி மற்றும் ஆரம்பக் கல்வி, பள்ளி உள்கட்டமைப்பு மற்றும் கல்விச் சேவைகள் துணை ஆணையர் சுதீர விதான, HNB Assurance – Life, பிரதம நிறைவேற்று அதிகாரி லசித விமலரத்ன, ALFEAஇன் தலைவர் F. மரிக்கார், Mobitel, பிரதம சந்தைப்படுத்தல் அதிகாரி, ஷஷிக செனரத், IIHS, பிரதம நிறைவேற்று அதிகாரி/ ஸ்தாபகரான கலாநிதி கித்சிறி எதிரிசிங்க மற்றும் HNBஇன் பிரதி பொது முகாமையாளர் சில்லறை & SME வங்கியியல் சஞ்சய் விஜேமான்ன ஆகியோர் கலந்து கொண்டனர்.

“இலங்கை புலம்பெயர்ந்த தொழிலாளர்கள் செய்த மகத்தான பங்களிப்பை CBSL மற்றும் அரசாங்கம் அங்கீகரித்துள்ளன, ஏனெனில் அவர்கள் தங்கள் அன்புக்குரியவர்களுக்கு அனுப்பும் பணம் அவர்களின் இலக்குகளை அடைவதற்கு மட்டுமல்ல, நாட்டின் சொந்த தேவைகளை பூர்த்தி செய்வதற்கும் அவசியம். அவர்கள் வகிக்கும் முக்கியப் பங்கைக் கருத்தில் கொண்டு, பணத்தை அனுப்புவதற்கு வசதியான மற்றும் பாதுகாப்பான சேனல்கள் இருப்பதை உறுதிசெய்ய வேண்டும், அதே நேரத்தில் அவர்களின் சொந்த பண இலக்குகளை அடைய அவர்களுக்கு உதவுவதையும் உறுதிசெய்ய வேண்டும்.

இன்று வங்கி என்பது வெறும் கடன் வழங்கும் நிறுவனம் மட்டுமல்ல. மக்கள், சமூகங்கள் மற்றும் நிறுவனங்களை தங்கள் இலக்குகளை அடைய மற்றும் அவர்களின் தேவைகளை பூர்த்தி செய்ய அதிகாரம் அளிக்கும் நிறுவனங்களாக அவை அதிகமாக மாறி வருகின்றன. Adhishtana வேலைத்திட்டத்தை ஆரம்பித்து நாடு திரும்பியுள்ள இலங்கை புலம்பெயர்ந்தோர் மற்றும் அவர்களது குடும்பங்களின் தேவைகளை நிறைவேற்றுவதற்கு HNB மிகவும் ஆர்வத்துடன் செயற்படுவதையிட்டு நான் மகிழ்ச்சியடைகிறேன். உலகெங்கிலும் பணம் அனுப்புபவர்களுக்கான திட்டங்களை வெளியிட மற்ற நிறுவனங்களும் ஒத்துழைப்பதை நாங்கள் எதிர்பார்க்கிறோம்,” என CBSLஇன் ஆளுநர் அஜித் நிவார்ட் கப்ரால் கூறினார்.

HNB Adhishtana கணக்கு வைத்திருப்பவர்களுக்கு அடையாள நோக்கத்திற்காக விசேட டெபிட் கார்டு வழங்கப்படும் மற்றும் HNB ஊடாக இலங்கைக்கு தொடர்ச்சியாக பணம் அனுப்பும் வாடிக்கையாளர்களுக்கு வங்கி பல பெறுமதி சேர்ப்புகளை வழங்கும்.

“முதலில், இந்த வெளியீட்டில் பங்கேற்ற அனைவருக்கும், குறிப்பாக எங்கள் வாடிக்கையாளர்கள் மற்றும் பங்குதாரர்களுக்கு நன்றி தெரிவிக்க விரும்புகிறேன். 30 வருடங்களாக இந்த இடத்தில் பணிபுரிந்துள்ள HNB, புலம்பெயர்ந்த தொழிலாளர்கள் தமது வருமானத்தை சொந்த ஊருக்கு திருப்பி அனுப்புவது இலங்கையின் பொருளாதாரத்தின் இன்றியமையாத அங்கம் என்பதை நீண்டகாலமாக புரிந்துகொண்டுள்ளது. அந்த புரிதலுடன் தான், பணம் அனுப்புபவர்கள் மற்றும் அவர்களது குடும்பத்தினரின் அபிலாஷைகளுக்கு ஆதரவளிக்கக்கூடிய ஒரு தயாரிப்பை உருவாக்குவதில் ஈடுபடுமாறு மத்திய வங்கியின் ஆளுநர் HNBயிடம் கேட்டுக் கொண்டார்.

“Adhishtana திட்டத்தின் ஆரம்பம் மற்றும் அதனுடன் இணைக்கப்பட்டுள்ள பல நன்மைகள் மூலம் இன்று நாம் அமைக்கும் முன்மாதிரியானது, தனியார் மற்றும் பொதுத் துறைகளில் உள்ள எங்கள் சகாக்களுக்கு அவர்களின் விலைமதிப்பற்ற பங்களிப்புகளுக்காக பணம் அனுப்புபவர்களுக்கு வெகுமதி அளிப்பதற்காக இதேபோன்ற முன்முயற்சிகளை உருவாக்க ஊக்குவிக்கும் என்று நாங்கள் நம்புகிறோம். இந்த தொகுக்கப்பட்ட வெகுமதிகள் புலம்பெயர்ந்த இலங்கையர்களை அவர்கள் மிகவும் தேவைப்படும் நேரத்தில் கணிசமாக பாதுகாப்பான, மிகவும் நம்பகமான முறையான சேனல்களுக்குத் திரும்ப ஊக்குவிக்க உதவும் என்று நாங்கள் நம்புகிறோம்,” என HNBஇன் முகாமைத்துவப் பணிப்பாளர் / பிரதம நிறைவேற்று அதிகாரி ஜொனாதன் அலஸ் கூறினார்.

புலம்பெயர்ந்த தொழிலாளர்களுக்கு இலவசமாக நிதி திட்டமிடலில் உதவிகளை வழங்குவதற்காக வங்கி இலங்கை வெளிநாட்டு வேலைவாய்ப்பு பணியகத்துடன் (SLBFE) கூட்டு சேர்ந்து நடவடிக்கை எடுத்துள்ளது.

புலம்பெயர்ந்த தொழிலாளர்களின் குழந்தைகளின் அர்ப்பணிப்பு மற்றும் தியாகத்தை அங்கீகரிக்கும் வகையில் அவர்களின் குழந்தைகளுக்காக “Rata Dinana Singiththo” என்ற போட்டியையும் வங்கி ஆரம்பித்துள்ளது. இந்தப் போட்டியில் 4 பிரிவுகள் அடங்கும்; கலை, பாடல், நடனம் மற்றும் கட்டுரை எழுதுதல். இந்தப் போட்டியின் மூலம் இந்தக் குழந்தைகளை ஒன்றிணைத்து அவர்களின் திறமைகளை அடையாளம் கண்டு பரிசில்களை வழங்க வங்கி உத்தேசித்துள்ளது. இது நாடளாவிய ரீதியில் நடைபெறும் போட்டியாக மாவட்ட மட்டத்திலும் அகில இலங்கை மட்டத்திலும் தெரிவு செய்யப்படும் வெற்றியாளர்களைக் கொண்ட போட்டியாகும்.

உள்நோக்கி பணம் அனுப்புவதற்கான முறையான சேனல்களை மேலும் ஊக்குவிப்பதற்காக CBSLஆல் ஆரம்பிக்கப்பட்ட ‘Lanka Remit’ மொபைல் Appல் HNB ஒரு பங்காளியாக மிக அண்மையில், கைச்சாத்திட்டது. இந்த Appஆனது வெளிநாட்டில் பணிபுரியும் இலங்கையர்களுக்கு முறையான பணம் அனுப்பும் சேனல்களுக்கு நேரடி அணுகலை வழங்குகிறது, பாதுகாப்பான, வசதியான மற்றும் குறைந்த செலவில் பணத்தை வீட்டிற்கு அனுப்பும் வசதிகளை இது வழங்குகிறது.

HNB ஆனது, அவ்வப்போது பணம் அனுப்பும் பெறுநர்களை அடையாளம் கண்டு அவர்களுக்கு வெகுமதி அளிக்கும் வகையில், அதன் பணப் பரிசில்களை வழங்கும் திட்டத்தையும் அறிமுகப்படுத்தியது. இதன்படி வெற்றியாளர்கள் குலுக்கல் முறையின் மூலம் தேர்ந்தெடுக்கப்படுவார்கள் மற்றும் வெற்றியாளர்களுக்கு வாரந்தோறும் 100,000 ரூபா வெகுமதி அளிக்கப்படும், 2022ஆம் ஆண்டில் 52 வெற்றியாளர்கள் தேர்ந்தெடுக்கப்படுவார்கள்.

வங்கியின் பணம் அனுப்பும் சேவையானது, ஒவ்வொரு மக்கள்தொகை கொண்ட கண்டத்திலும் உள்ள வங்கியின் உலகளாவிய பங்காளிகளின் வலைப்பின்னல் மூலம் நிதியை பரிமாற்றுவதற்கான வசதியையும் பாதுகாப்பையும் வாடிக்கையாளர்களுக்கு வழங்குகிறது. HNBஇன் உலகளாவிய வலையமைப்பு, உலகம் முழுவதும் உள்ள பல புகழ்பெற்ற பரிவர்த்தனை இல்லங்கள் மற்றும் வங்கிகளுடன் 130க்கும் மேற்பட்டவர்களுடன் கைக்கோர்த்துக் கொண்டுள்ளது. இலங்கை ரூபாவைத் தவிர, பணம் அனுப்புபவர்கள் 13 நியமிக்கப்பட்ட வெளிநாட்டு நாணயங்களில் நிதிகளை வைப்பீடு செய்யலாம்.

அதன் உலகளாவிய வலையமைப்பை நிறைவு செய்யும் வகையில், வங்கியானது இலங்கையில் இருந்து வெளிநாட்டவர்களுக்கு அவர்களின் நிதித் தேவைகளை பூர்த்தி செய்வதில் ஆதரவளிக்க மூலோபாய இடங்களில் பிரதிநிதிகளை நியமித்துள்ளது.

HNB பெறுநர்களுக்கு வெளிநாட்டுப் பணம் அனுப்புவதை வசதியாக அணுகுவதற்குப் பல பணப் பரிமாற்ற தேர்வுகளை வழங்குகிறது. நாடு முழுவதும் அமைந்துள்ள வாடிக்கையாளர் நிலையங்களில் பணத்தைப் பெறுவதற்கும், ATMகள் மூலம் பணம் எடுப்பதற்கும் வங்கி வசதி செய்து, அதன் சொந்த ATMகள் மூலம் 780க்கும் மேற்பட்ட ATMகள் மூலம் ‘கார்ட் இல்லாத பணம் மீளப் பெறும் வசதியைப்’ பயன்படுத்தி பணமாக்குகிறது. HNB பணம் அனுப்பும் செயற்பாட்டின் மூலம் பணத்தை உடனடியாக வேறு ஏதேனும் உள்ளூர் வங்கிக் கணக்கில் வரவு வைக்கிறது. தடையற்ற வங்கிச் சேவையை உறுதி செய்வதற்காக, ஆண்டு முழுவதும் 24×7 என்ற அடிப்படையில் பணம் அனுப்பும் பரிவர்த்தனைகளை வங்கி செயல்படுத்துகின்றமை குறிப்பிடத்தக்கது.

நாடு முழுவதிலும் 256 வாடிக்கையாளர் நிலையங்களைக் கொண்டுள்ள HNB இலங்கையின் மிகப் பெரிய, தொழில்நுட்ப ரீதியாக புத்தாக்கமான வங்கிகளில் ஒன்றாகும். வங்கிச் சிறப்புக்கான அதன் நற்பெயரை ஒருங்கிணைத்து, சர்வதேச நிதி விருது வழங்கும் நிகழ்வு 2021இல் வங்கி பிரிவில் சிறந்த சில்லறை வங்கி மற்றும் சிறந்த SME வங்கி விருதுகளை HNB பெற்றது. இங்கிலாந்தை தளமாகக் கொண்ட புகழ்பெற்ற பேங்கர் இதழால் தொடர்ந்து ஐந்து ஆண்டுகளாக தொகுக்கப்பட்ட உலகின் சிறந்த 1,000 வங்கிகளின் பட்டியலில் வங்கியும் இடம் பெற்றுள்ளது. குளோபல் ஃபைனான்ஸ் விருதுகள் 2020இல் HNB இலங்கையின் சிறந்த துணைக் காப்பாளர் (Best Sub-Custodian) வங்கியாகவும் அறிவிக்கப்பட்டது. Fitch Ratings (Lanka) Ltdஇன் தேசிய மதிப்பீட்டை AA- (lka) HNB பெற்றுள்ளது.


Share with your friend

Leave a Reply

%d bloggers like this: