Star Global Ventures, Krup Global Pvt Ltd மற்றும் DK International ஆகியன 2025 ஒக்டோபர் 23 முதல் 25 வரை கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் முன்னெடுக்கப்படவுள்ள Lankapak கண்காட்சி 2025 பங்கேற்கவுள்ளன. இந்த மூன்று நிறுவனங்களும் இணைந்து, உள்நாட்டு மற்றும் சர்வதேச பொதியிடல் மற்றும் தொழிற்துறைகளுக்கு வலிமை சேர்க்கும் வகையில் அமைந்த பரந்தளவு இயந்திரங்கள் மற்றும் தொழிற்துறை நிலைபேறான தீர்வுகள் போன்றவற்றை காட்சிப்படுத்தும்.
உலகிற்கு ART (Affordable, Reliable, Trustable) Technology ஐ அறிமுகம் செய்த Krup Global Pvt Ltd இனால், இந்தக் கண்காட்சியின் போது, அந்தத் தொழில்னுட்பம் பற்றிய வெளிப்படுத்தல்கள் முன்னெடுக்கப்படும். ART Technology இனால், சகாயமான, தங்கியிருக்கக்கூடிய மற்றும் நம்பிக்கையை வென்ற தீர்வுகள் வழங்கப்பட்டு, முன்னேற்றத்தை எய்துவது, வினைத்திறனை மேம்படுத்துவது மற்றும் உலகளாவிய ரீதியில் நிலைபேறான தாக்கத்தை ஏற்படுத்தும் வசதிகள் வழங்கப்படும்.
நிகழ்வில் காட்சிப்படுத்தப்படவுள்ள இயந்திரங்கள் மற்றும் சாதனங்களில், MOSCA வர்த்தக நாமத்திலமைந்த Strapping Machine அடங்கியிருக்கும். இதனூடாக, உலகத் தரம் வாய்ந்த அலங்காரப் பட்டிப்பின்னல் தீர்வுகள் வழங்கப்படுவதுடன், பரந்தளவு தொழிற்துறைகளுக்கு பாதுகாப்பான மற்றும் வினைத்திறனான பொதியிடலும் வழங்கப்படுகிறது. அத்துடன் PN SHAR Testing Equipment காட்சிப்படுத்தப்படும். இதனூடாக மேம்படுத்தப்பட்ட தர உறுதிப்படுத்தல், துல்லியமான மற்றும் தங்கியிருக்கக்கூடிய பரிசோதனைகளை தொழிற்துறை பிரயோகங்களுக்கு மேற்கொள்ளக்கூடியதாக இருக்கும். hand pallet trucks, forklifts, stackers, reach trucks போன்ற OLIFT Material Moving Equipment களும் இங்கு காட்சிப்படுத்தப்படும். OLIFT என்பது உயர் ரக வர்த்தக நாமமாக கருதப்படுவதுடன், உறுதியான, பாவனையாளருக்கு நட்பான கையாளல் போன்றவற்றை வழங்கி, மூலப்பொருள் நகர்வை பாதுகாப்பானதாகவும், வினைத்திறனானதாகவும் பேண உதவும்.
மேலும், அலைவுநெளிவுள்ள பெட்டி மாற்றியமைப்பான்கள் எதிர்நோக்கியிருந்த பிரச்சனைகளை தீர்க்கும் வகையில் உலகின் சிறந்த தைக்கும் கம்பி வகையாக STH Wire காட்சிப்படுத்தப்படும். STH Green இனால் சில துறைகளுக்கு காப்புரிமம் பெற்ற நிலைபேறான தயாரிப்புகள் வழங்கப்படுகின்றன. இந்தத் தயாரிப்புகளினால், தாதுப்பொருட்கள், தாவர-சார் பொருட்களினால் மாற்றீடு செய்யப்பட்டுள்ளன. எதிர்காலத்தில் மிகவும் அவசியமான நிலைபேறான சூழலுக்கு இந்த தயாரிப்புகள் ஆதரவளிப்பதாக அமைந்திருக்கும்.
முக்கியமாக, பல தசாப்த கால இணைந்த நிபுணத்துவத்துடன் இந்த மூன்று நிறுவனங்களினாலும் காட்சிப்படுத்தப்படவுள்ள தொழிற்துறைசார் தீர்வுகளினூடாக, இலங்கை சந்தைக்கு உறுதியான புத்தாக்கம் மற்றும் தங்கியிருக்கும் திறன் போன்றன சேர்க்கப்படும்.
பொதியிடல் இயந்திரங்கள் மற்றும் சாதனங்களில் Star Global Ventures கவனம் செலுத்துவதுடன், உறுதியான சர்வதேச பிரசன்னத்துடன், தொழில்னுட்ப நிபுணத்துவத்தையும் இணைந்து, உயர் இயந்திரங்களை வாடிக்கையாளர்களில் கவனம் செலுத்தி வழங்குகிறது. மூன்று நிறுவனங்களும் உறுதியான சர்வதேச பிரசன்னத்திற்கும், தயாரிப்பு தெரிவுகளுக்கும் வாடிக்கையாளர்களை அறிமுகம் செய்யும்.
DK International, Krup Global Pvt Ltd, மற்றும் Star Global Ventures ஆகியன தொழிற்துறை, அச்சிடல் மற்றும் பொதியிடல் தீர்வுகளில் விசேடத்துவம் பெற்றுள்ளதுடன், சர்வதேச வியாபார பங்காண்மைகளை கொண்டுள்ளதுடன், உறுதியான தயாரிப்புகள் மற்றும் சேவைகளையும் வழங்குகின்றன.
நிறுவனத்தின் பணிப்பாளர்கள் கருத்துத் தெரிவிக்கையில், “Lankapak 2025 என்பது பொதியிடல் மற்றும் தொழிற்துறை சந்தைகளின் எதிர்காலத்தை மாற்றியமைக்கவுள்ள புதிய தொழில்னுட்பங்களை காட்சிப்படுத்துவதற்கான மிகவும் முக்கியத்துவம் வாய்ந்த களமாக அமைந்துள்ளது. Krup Global, Star Global ஆகியவற்றினால் காட்சிப்படுத்தப்படவுள்ள பொதியிடல் தீர்வுகளினூடாக, பார்வையாளர்களுக்கு சர்வதேச சந்தையில் அதிகரித்துச் செல்லும் கேள்விகளுக்கமைய உலகத் தரம் வாய்ந்த சாதனங்கள் மற்றும் நிலைபேறான புத்தாக்கங்கள் போன்றன ஆற்றும் பங்களிப்பு பற்றிய விளக்கங்களைப் பெற்றுக் கொள்ளக்கூடியதாக இருக்கும். DK International இனால் அச்சிடல் மற்றும் பொதியிடல் தொழிற்துறைகளின் தேவைகளை நிவர்த்தி செய்வது தொடர்பில் கவனம் செலுத்தப்படுவதுடன், சில துறைகளில் ஆதிக்கத்தையும் கொண்டுள்ளது. ஆர்வமுள்ள வாடிக்கையாளர்களுக்கு எதிர்காலத்திற்கான நவீன புத்தாக்கங்களை பார்வையிட முடியும். தொழிற்துறையின் முன்னேற்றத்திற்கு பங்களிப்பு வழங்குவதையிட்டும், வினைத்திறன், தரம் மற்றும் நிலைபேறாண்மை ஆகியவற்றை இணைத்து வெளிப்படுத்தும் தீர்வுகளை காட்சிப்படுத்துவதையிட்டும் நாம் பெருமை கொள்கிறோம்.” என்றார்.LankaPak கண்காட்சி என்பது, இலங்கையின் பொதியிடல், பதப்படுத்தல், அச்சிடல் மற்றும் பிளாஸ்ரிக் தொழிற்துறைகளின் முன்னணி கட்டமைப்பாக அமைந்துள்ளது. முன்னணி உற்பத்தியாளர்கள், விநியோகத்தர்கள், தீர்மானமெடுப்போர் மற்றும் நிபுணர்களை ஒரே கூரையின் கீழ் ஒன்றிணைக்கும் நிகழ்வாகவும் அமைந்துள்ளது. வருடாந்தம் ஏற்பாடு செய்யப்படும் இந்நிகழ்வில், உலகளாவிய ரீதியில் அச்சிடல் மற்றும் பொதியிடலின் எதிர்காலத்தை மாற்றியமைக்கும் நவீன புத்தாக்கங்கள், நிலைபேறான தொழில்னுட்பங்கள் மற்றும் வியாபாரத் தீர்வுகள் போன்றன உள்ளடங்கியிருக்கும்.
