சன்ஷைன் ஹோல்டிங்ஸ் (CSE: SUN) 27 மே, 2022 முதல் அமுலுக்கு வரும் வகையில், நிறுவன சபையில் ஒரு சுயாதீன நிறைவேற்று அதிகாரமற்ற பணிப்பாளராக திரு. சிவகிருஷ்ணராஜா ரெங்கநாதன் (எஸ். ரெங்கநாதன்) நியமித்துள்ளதாக அறிவித்தது. புதிய நியமனத்துடன், சன்ஷைன் ஹோல்டிங்ஸ் பணிப்பாளர் சபை 11 பணிப்பாளர்களைக் கொண்டிருக்கும், அவர்களில் எட்டு பேர் நிறைவேற்று அதிகாரமற்ற சுயாதீன பணிப்பாளர்களாவர்.
வங்கித் துறையில் 41 ஆண்டுகள் சிறந்த பதவிகளை வகித்த ரெங்கநாதன், வெற்றிக்குக் காரணமான நிதியியல் நிபுணத்துவம் கொண்டவர் ஆவார். மேலும் கொமர்ஷல் வங்கி – இலங்கை, பங்களாதேஷ் செயல்பாடுகள் Credit Agricle Indosuez – பங்களாதேஷ் மற்றும் Commercial Bank of Maldives ஆகியவற்றிலிருந்து பெறப்பட்ட பல உயர்மட்ட, உள்ளூர் மற்றும் வெளிநாட்டு நிதி நிறுவனங்களில் முக்கிய தலைமைப் பதவிகளில் நிதிச் சந்தைகளின் வளர்ச்சி மற்றும் வெற்றிப் பாதையை நோக்கி இட்டுச் சென்றவர் ஆவார்.
2003ஆம் ஆண்டில், அவர் பங்களாதேஷின் Credit Agricole Indosuezன் செயல்பாடுகளின் முதலாவது நிரந்தர உள்நாட்டு முகாமையாளராக நியமிக்கப்பட்டார், இது வங்கியின் முதல் வெளிநாட்டு நடவடிக்கையாகும். அவர் நாடு திரும்பியதும், அவர் நிறுவனத்தில் பல தலைமைப் பதவிகளை வகித்தார், அதன் வெற்றிக்கு பெரிதும் பங்களித்தார், இறுதியில், வங்கியின் முகாமைத்துவப் பணிப்பாளராகவும் பிரதம நிறைவேற்று அதிகாரியின் முக்கியப் பதவிக்கும் அவர் நியமிக்கப்பட்டார்.
தற்போது, அவர் இலங்கை சர்வதேச வர்த்தக சம்மேளனத்தின் துணைத் தலைவராகவும், இலங்கை வர்த்தக சம்மேளனத்தின் நிறைவேற்று உறுப்பினராகவும், பிரித்தானியாவுடனான வர்த்தக சபையின் நிறைவேற்று உறுப்பினராகவும், இலங்கை பணிப்பாளர் நிறுவகத்தின் உறுப்பினராகவும் பணியாற்றுகிறார். இலங்கை இந்திய சங்கத்தின் துணைத் தலைவர் மற்றும் பிரித்தானியாவுடனான வணிகத்திற்கான கவுன்சிலின் நிர்வாக உறுப்பினரும் ஆவார்.
ரெங்கநாதன் Lanka Financial Services Bureau Limited மற்றும் Sri Lanka Banks’ Association (Guarantee) Limited ஆகியவற்றின் பணிப்பாளராகவும், இலங்கை முதலாளிமார் சம்மேளனத்தின் உறுப்பினராகவும் பணியாற்றினார். மேலும், அவர் பங்களாதேஷின் வங்கியாளர்கள் நிறுவனத்தின் பொதுக் குழுவின் உறுப்பினராகவும், இலங்கை-பங்களாதேஷ் வர்த்தக மற்றும் கைத்தொழில் சம்மேளனத்தின் ஸ்தாபகத் தலைவராகவும், பங்களாதேஷில் உள்ள வெளிநாட்டு முதலீட்டாளர்கள் வர்த்தகம் மற்றும் தொழில்துறையின் நிறைவேற்று உறுப்பினராகவும் இருந்தார். சமூக சேவையின் அவரது விரிவான சாதனையை அங்கீகரிக்கும் வகையில், அவர் நீதி அமைச்சினால் அகில இலங்கை சமாதான நீதவானாகவும் நியமிக்கப்பட்டார்.
ரெங்கநாதன், Chartered Institute of Management Accountants, UK (FCMA), Chartered Global Management Accountant (CGMA), லண்டன் இன்ஸ்டிடியூட் ஆப் பேங்கிங் & ஃபைனான்ஸ், UK (FLIBF) மற்றும் இன்ஸ்டிடியூட் ஆஃப் பேங்கர்ஸ் ஸ்ரீலங்காவின் (FLIBF) உறுப்பினர் ஆவார். விரிவான தலைமைத்துவம், முகாமைத்துவம் மற்றும் வங்கியியல் பயிற்சிகள் ஆகியவற்றை உள்நாட்டிலும் வெளிநாட்டிலும் பெற்றுள்ளமையும் இங்கு குறிப்பிடத்தக்கது.
